• USD 480.46
  • GBP 670.67
  • EUR 586.4
  • RUB 7.78
  • GEL 193.54
Ապրիլ 25, 2018
Հայը պիտի ապրի ժողովուրդների սիրազոդ շղթային մեկ ոսկի օղակն ըլլալու համար

 

Դանիել Վարուժան

 

Հայաշխարհի ձայն, Լրահոս, Մեր ձայնը, Խմբագրական, Ամերիկա, Հայաստան, Արցախ
17.03.2018 | 12:25

ՌԱԿ Գերագոյն Խորհուրդի Հանդիպումը Արցախի Նախագահին՝ Բակօ Սահակեանին հետ

Մարտ 12-էն ի վեր մայրաքաղաք Ուաշինկթոնի մէջ կը գտնուի Արցախի կառավարութեան պատուիրակութիւնը՝ քաղաքական շփումներ հաստատելու՝ գլխաւորութեամբ նախագահ Բակօ Սահակեանի։

Բացի քոնկրէսականներու հանդիպումներէն պատուիրակութիւնը խորհրդակցութիւններ եւ պատուասիրութիւններ ունեցաւ հայկական կարգ մը կազմակերպութեանց ղեկավարներուն հետ։

Այս առիթով Ուաշինկթոն ժամանած էին ՌԱԿ Գերագոյն Խորհուրդի անդամներ՝ ընկերներ Վարդան Նազիրեան եւ Երուանդ Ազատեան, որոնց միացած էր ընկ. Գէորգ Մարաշլեան։

ՌԱԿ-ի պատուիրակութիւնը Մարտ 15-ին հրաւիրուած էր Հայաստանի դեսպանատան մէջ ի պատիւ Արցախի պատուիրակութեան սարքուած ընդունելութեան։

Մարտ 16-ին յատուկ ժամադրութեամբ ՌԱԿ-ի պատուիրակութիւնը հանդիպում ունեցաւ նախագահ Բակօ Սահակեանի պաշտօնական խումբին հետ Արցախի Ուաշինկթոնի ներկայացուցչութեան կեդրոնին մէջ։

ՌԱԿ Գերագոյն Խորհուրդի նախագահ ընկ. Վարդան Նազիրեան բարի գալուստ մաղթեց հիւրերուն եւ ապա զեկուցեց ՌԱԿ-ի անդամներուն գործունէութեանց մասին Արցախի մէջ։

Հանդիպումը վերածուեցաւ խորքային խորհրդակցութեան Արցախի քաղաքական կացութեան մասին, քննարկուեցան կարգ մը ծրագիրներ, որոնք պիտի իրագործուին մօտիկ ապագայիին Արցախի մէջ ՌԱԿ-ի եւ յարակից կազմակերպութեանց միջոցաւ։

Յետ աւարտման խորհրդակցական հանդիպման, ՌԱԿ Գերագոյն Խորհուրդը ճաշկերոյթով մը պատուեց Արցախի պատուիրակութիւնը, յարակից շքեղ ճաշարանի մը սրահին մէջ։

Ճաշկերոյթին իր մասնակցութիւնը բերաւ նաեւ Հայաստանի դեսպան Պրն. Գրիգոր Յովհանէսեան։

 

Հանդիպման ընթացքին Բակօ Սահակեանը նաեւ շքանշան շնորհած է ՌԱԿ Գերագոյն Խորհուրդի նախագահ ընկ. Վարդան Նազիրեանին:

 

 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /