• USD 480.8
  • GBP 637.73
  • EUR 562.73
  • RUB 7.73
  • GEL 196.06
Հուլիս 17, 2018
Կփրկվի նա, ով կհամբերի

 Եվ անօրինության շատանալուց շատերի սերը պիտի ցամաքի:

 Բայց ով մինչև վերջ համբերեց, նա պիտի փրկվի (Մատթ. 24)։

Գլխավոր լուր, Հոդվածներ, Լրահոս
21.03.2018 | 11:01

Թուրքիան «պատռեց» իր դիմակը

Թուրքիոյ նախագահ Ռէճէպ Թայէպ Էրտողանի քաղաքական ամէնէն կարեւոր խաղաքարտը քիւրտերն են: «Ներսի քիւրտեր»ը, որոնց դէմ ոչ միայն հալածանքի մեծ ալիք մը կայ Թուրքիոյ մէջ, այլ նաեւ անոնց քաղաքական կուսակցութիւններուն (խօսքը յատկապէս HDP-ի մասին է) գլխաւոր դէմքերը բանտերը նետուած են: Էրտողանի այս «պայքար»ին մէջ կարեւոր տեղ կը գրաւեն «դուրսի քիւրտեր»ը, որոնք այս օրերուն կը հանդիսանան քաղաքական միաւորներ «կորզել»ու հիմնական աղբիւրը: Երբ Սուրիոյ պատերազմը սկիզբ կ'առնէր, ոչ ոք կը մտածէր, որ Թուրքիա «համարձակութիւն»ը պիտի ունենայ խախտելով միջազգային հանրութեան կողմէ հաստատուած բոլոր նորմերը  կրնայ օր մը օրանց Սուրիա մուտք գործել: Տակաւին Սուրիոյ դէպքերուն մասին վերլուծութիւններ գրող լրագրողներ եւ տեսաբաններ չէին պատկերացներ, որ թրքական դրօշակը պիտի ծածանի Թուրքիա - Սուրիա սահմանային հատուածին վրայ գտնուող Ճարապլուս քաղաքին մէջ: Անշուշտ թրքական այս միջամտութիւնը եւ սուրիական հողերու ամբողջականութեան դէմ եղած խախտումը «կը նուիրագործուէր» Աֆրինի գրաւումով, որուն հետեւանքով ալ շուրջ 200 հազար քիւրտեր կը տեղահանուէին:

Սուրիոյ պատերազմի տարբեր փուլերուն ալ Անգարա չէր թաքցուցած իր «փափաքներ»ը եւ այդ նկրտումները ի յայտ կու գային յատկապէս հայկական Քեսապի գրաւման օրերուն:

 

Այդ օրերուն տեղի ունեցած դէպքերը ցոյց կու տային Թուրքիոյ դէմքը, որ տարբեր պատճառներով ալ կը շարունակէր մնալ «թաքուն» եւ «քողարկուած»: Իսկ ներկայ փուլին եղածները կը ներկայանան բոլորովին այլ հարթութեան վրայ:

 

 

Այն ինչ, որ կատարուեցաւ Աֆրինի մէջ մեծագոյն ապացոյցն է, որ Անգարա միջազգային հանրութեան դիմաց «պարտաւորութիւններ» ունենալու խնդիր չունի:

Ու ստեղծուած տեսարանը, զինեալներուն վարմունքը, քաղաքացիներու տուներուն կողոպուտը եւ իր բնակիչներէն դատարկուած Աֆրինի մէջ ամէն գնով քաոսային վիճակ մը ստեղծելու ճիգերը ցոյց կու տան, որ Անգարա առաջուան նման պահել»ու բան մը չունի:

Մինչ Քեսապի եւ այլ շրջաններու մէջ Անգարա առաջ կը քաշէր եւ «կը պահուըտէր» քողին տակ, այս օրերուն արդէն ան «պահելու» բան չունի: Ու թրքական բանակին կողքին պատերազմին ու ապա սուրիական քաղաքին գրաւման կը մասնակցէին նոյն այն զինեալները, որոնց դէմ կեղծ պայքար կը տանի Անգարան Թուրքիոյ տարբեր քաղաքներու մէջ:

 

Անշուշտ այս բոլորը յաւելեալ վերլուծման արժանի պատահարներ են եւ բացայայտ կը դարձնեն, որ Թուրքիա «առանձին» չի գործէր ու անոր գործողութիւնները անմիջական կապ ունին Սուրիոյ մէջ ազդեցիկ դեր ունեցող երկիրներու քայլերուն հետ: Քաղաքական կեանքը եւ շրջանին մէջ ընթացող «մեծ խաղեր»ը հնարաւորութիւն տուած են, որ Թուրքիա «հանգիստ խղճով» պատռէ իր դիմակը եւ աշխարհին ներկայանայ իր իրական դէմքը:

 

Ու այս գործողութիւնները ըստ երեւոյթին երկար պիտի տեւեն,  այնքան ժամանակ, որ Սուրիոյ մէջ քաղաքական լուծումներու ընդհանուր տեսարանը տակաւին չէ ուրուագծուած:

 

Հատուկ ՀԱՅ ՁԱՅՆի համար



    Լրահոս
    Օրացույց
    Ամենաընթերցված
    Եկեղեցական օրացույց
    /