• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Անկախությունը մարդու ծնվելու, ապրելու, սիրելու պես մի բան է

Անկախությունը բացարձակ արժեք էախր, ինչպե՞ս կարելի է  հարցնել՝ ի՞նչ կարծիք ունես անկախության մասին, դա նույնն է, թե ասես՝ ի՞նչ կարծիքի ես ծնողիդ մասին: Այս ծանր փորձությունների գնով անգամ՝ Անկախությունը քննարկման կարիք չունի: Անկախությունը մարդու ծնվելու, ապրելու, սիրելու պես մի բան է: Ամեն ինչի հավաքականությունն է Անկախությունը:

ՎԱԶԳԵՆ ՍԱՐԳՍՅԱՆ

Հայաշխարհի ձայն, Լրահոս, Միջոցառումներ, Մշակույթ, Հայաստան
21.03.2018 | 19:03

Ա. Հարությունյանի անվան քառյակի ելույթը Յենայում և Հայաստանի պետական սիմֆոնիկ նվագախմբի համերգը՝ Համբուրգում

2018 թվականի մարտի 21-25-ը, Գերմանիայում կանցկացվի Վայմարի «Արևելյան դիվան» հասարակական կազմակերպության 10-ամյակին նվիրված հոբելյանական փառատոնը, որին հրավիրված են մշակույթի բնագավառի գործիչներ՝ Հայաստանից, Իրանից, Ուզբեկստանից, Մարոկկոյից, Սիրիայից։


ՀՀ մշակույթի նախարարության աջակցությամբ` փառատոնին կմասնակցի Ա. Հարությունյանի անվան փայտափողային-դաշնամուրային քառյակը: Հայաստանի պետական սիմֆոնիկ նվագախմբի առաջատար երաժիշտներից կազմված Հարությունյանի անվան փայտափողային-դաշնամուրային քառյակը ստեղծվել է 2015 թվականին: 2017 թվականին «Ծիծեռնակ» ազգային երաժշտական մրցանակաբաշխությանը քառյակն արժանացել է «Լավագույն դասական երաժշտախումբ» մրցանակի:
Վայմարի «Արևելյան դիվան» հասարակական կազմակերպության 10-ամյակին նվիրված հոբելյանական փառատոնին քառյակը ելույթ կունենա ս. թ. մարտի 23-ին` Յենայի քաղաքապետարանի սրահում: Խումբը հանդես կգա երկու բաժնից կազմված ծրագրով. առաջին բաժնում՝ Յոհան Սեբաստիան Բախ «Հիսուս, իմ երջանկություն», Վոլֆգանգ Ամադեուս Մոցարտ «Կախարդական սրինգը» օպերայից հատվածներ, Ջորջ Բիզե «Կարմեն» երեք հատված օպերայից, Ալեքսանդր Հարությունյան « Էլեգիա», Ալեքսանդր Հարությունյան  «Կոնցերտային վալս», Պյոտր Չայկովսկի Հինգ պիես «Շչելկունչիկ» բալետից: Երկրորդ բաժին՝  Սերգեյ Ռախմանինով «Վոկալիզ», Ալեքսանդր Հարությունյան «Քարավան», Ալեքսանդր Հարությունյան «Սասունցիների պարը», Սերգեյ Պրոկոֆև՝ Հինգ հատված «Ռոմեո և Ջուլիետ» բալետից, Արամ Խաչատրյան՝ Երեք հատված «Գայանե» բալետից, Լեոնարդ Բերնսթայն «Կանդիդ» նախերգանք:

ՀՀ մշակույթի նախարարության աջակցությամբ` ս. թ. մարտի 28-ին, Համբուրգի Էլբֆիլհարմոնիա համերգասրահում, կկայանա Հայաստանի պետական սիմֆոնիկ նվագախմբի համերգը, որը նվիրվում է մեծանուն կոմպոզիտոր Արամ Խաչատրյանի 115-ամյակին:

 

Երկու բաժնից կազմված համերգում սիմֆոնիկ նվագախումբը կկատարի Արամ Խաչատրյանի No 2 սիմֆոնիան` «Զանգով սիմֆոնիա» և Էդուարդ Հայրապետյանի նվագախմբի և թավջութակի համար գրված No 4 կոնցերտը /մենակատար` Նարեկ Հախնազարյան/:



    Լրահոս
    Օրացույց
    Ամենաընթերցված
    Եկեղեցական օրացույց
    /