• USD 482.59
  • GBP 639.29
  • EUR 559.61
  • RUB 7.62
  • GEL 196.37
Հունիս 19, 2018
Մեր տղերքը ունեն հզոր մարտական ոգի

 

Կարևորը հզոր մարտական ոգին է ու գաղափարը, որն ունեն մեր տղերքը՝ մեր զինվորները: Հայ ժողովուրդն ու Հայոց բանակը երաշխավորն են այն բանի, որ պատերազմ չի լինի:

Արկադի Տեր-Թադևոսյան

Հայաշխարհի ձայն, Լրահոս, Հայաստան
26.03.2018 | 09:14

Ծաղկազարդի տոնին Մայր Աթոռում էին սահմանամերձ համայնքների մանուկները (լուսանկարներ)

Ինչպես տեղեկացնում է Մայր Աթոռի տեղեկատվական համակարգը, Հայաստանյայց Առաքելական Սուրբ Եկեղեցին մարտի 25-ին մեծ շուքով տոնախմբել է Ծաղկազարդը, որը խորհրդանշում է մեր Տեր և Փրկիչ Հիսուս Քրիստոսի՝ մարդեղացյալ Աստվածորդու՝ Երուսաղեմ հաղթական մուտքը: Հոգենորոգ օրվա կապակցությամբ Մայր Տաճարում, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հյաոց Կաթողիկոսի, մատուցվել է Սուրբ և Անմահ Պատարագ: Պատարագիչն էր Մայր Աթոռ Ս. Էջմիածնի Վարչա-տնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը: Սրբազանն իր խոսքում ողջունել է Ծաղկազարդի առիթով Մայր Տաճարի Ս. Խորանին սպասավորող  մանուկներին, ովքեր վաղ առավոտյան ժամանել էին Ս. Էջմիածին Տավուշի թեմի սահմանամերձ քաղաքներից և գյուղերից` մասնակցելու Ս. Պատարագին և

 

ստանալու Ամենայն Հայոց Հայրապետի օրհնությունը: Սրբազանը հորդորել է Ս. Պատարագի մասնակիցներին՝ ըստ տերունավանդ պատվիրանի նմանվել այդ մանուկներին իրենց մաքրության, անմեղության ու պարզության մեջ, ունենալ շիտակ և մաքուր հոգի և պատրաստ լինել օգնելու և կարեկից լինելու միմյանց:

 

Ս. Պատարագի ավարտին տաճարում գտնվող բոլոր մանուկները հրավիրվել են ատյան և, նախագահությամբ Ամենայն Հայոց Կաթողիկոսի, կատարվել է մանուկների օրհնության հատուկ կարգ: Նորին Սրբությունը հայրապետական իր օրհնությունն ու բարեմաղթանքներն է փոխանցել ներկա մանուկներին՝ աղոթելով նրանց անհոգ մանկության և երջանիկ ու աստվածօրհնյալ կյանքի համար:

 



    Լրահոս
    Օրացույց
    Ամենաընթերցված
    Եկեղեցական օրացույց
    /