• USD 480.8
  • GBP 637.73
  • EUR 562.73
  • RUB 7.73
  • GEL 196.06
Հուլիս 17, 2018
Կփրկվի նա, ով կհամբերի

 Եվ անօրինության շատանալուց շատերի սերը պիտի ցամաքի:

 Բայց ով մինչև վերջ համբերեց, նա պիտի փրկվի (Մատթ. 24)։

Հայաշխարհի ձայն, Լրահոս, Մեր ձայնը, Խմբագրական, Հայաստան
08.04.2018 | 14:50

Մայրության և գեղեցկության տոնին նվիրված ցուցահանդես Արմավիրի ՌԱԿ երիտասարդական ակումբում (Լուսանկարներ)

Լավ ընտանիք կազմել և լավ ծնող դառնալ չի կարող այն մարդը, ով իր ծնողների համար լավ զավակ չէ։

Ապրիլի 7-ին Արմավիրի ՌԱԿ երիտասարդական ակումբում տեղի ունեցավ նկարչական դասընթացի մասնակիցների՝ մայրության և գեղեցկության տոնին նվիրված ցուցահանդեսը, որը նրանց անդրանիկ ցուցահանդեսն էր:

Ցուցահանդեսի բացումն ազդարարվեց ջութակի անզուգական հնչյուններով՝ ի շնորհիվ Հասմիկ Գալստյանի:

Այն հիանալի առիթ էր մասնակիցների համար՝ ցուցադրելու իրենց սերն ու նվիրվածությունը ծնողների հանդեպ։ Մասնակիցները մեծ պատրաստակամությամբ էին մոտեցել  ցուցահանդեսին, հենց դրա համար էլ ցուցահանդեսը կայացավ՝ գերազանցելով սպասելիքները. այդ էին փաստում հյուրերի հիացմունքի խոսքերը՝ ուղղված սաներին և դասավանդող՝ Նազիկ Եղիազարյանին։

Ցուցահանդեսի մասնակիցները պարգևատրվեցին  պատվոգրերով։

Ներկա էին ՌԱԿ երիտասարդական ակումբի անդամները, նկարչական դասընթացի սաների ծնողները և բարեկամները։

Ցուցահանդեսի հյուրերն էին նաև Արմավիրի Երկրապահ կամավորականների միության ավագ և երիտասարդ կառույցների անդամները, որոնք նկարչական դասընթացի դասավանդող Նազիկ Եղիազարյանին պարգևատրեցին «Երկրապահ կամավորականների միության Վազգեն Սարգսյանի անվան» պատվոգրով՝ Մայրության և գեղեցկության տոնի առթիվ ցուցահանդես կազմակերպելու համար։

Ցուցահանդեսը անցավ ջերմ մթնոլորտում, հնչեցին բազմաթիվ կարծիքներ և գովեստի խոսքեր, որոնք մեկ անգամ ևս փաստեցին, որ նկարչական դասընթացները Արմավիրի ՌԱԿ ակումբում ընթանում են ծրագրին համապատասխան և արդարացնում են սպասելիքները։

Ցուցահանդեսի ընթացքում մայրերին ուղղված շնորհավորանքներից անմասն չմնաց նաև փոքրիկ Մարինկան, ով թեպետ չի կարողանում նկարել, սակայն հիանալի ասմունքում է։

 

 

 

 

 

 

 

 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /