• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 23, 2018
Անկախությունը մարդու ծնվելու, ապրելու, սիրելու պես մի բան է

Անկախությունը բացարձակ արժեք էախր, ինչպե՞ս կարելի է  հարցնել՝ ի՞նչ կարծիք ունես անկախության մասին, դա նույնն է, թե ասես՝ ի՞նչ կարծիքի ես ծնողիդ մասին: Այս ծանր փորձությունների գնով անգամ՝ Անկախությունը քննարկման կարիք չունի: Անկախությունը մարդու ծնվելու, ապրելու, սիրելու պես մի բան է: Ամեն ինչի հավաքականությունն է Անկախությունը:

ՎԱԶԳԵՆ ՍԱՐԳՍՅԱՆ

Հայաշխարհի ձայն, Լրահոս, Մեր ձայնը, Խմբագրական, Հայաստան
12.04.2018 | 17:37

<<Ազգ>>-ի խմբագրի դեմ բացված դատը հետաձգվեց բողոքող կողմի միջնորդությամբ

 2017թ.-ի հունիսի 27-ին քաղաքացի Սեւակ Հաճի-Հակոբյանը դատական հայց է ներկայացրել Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարան՝ ընդդեմ <<Ազգ>> օրաթերթ ՍՊԸ-ի գլխավոր խմբագիր Հակոբ Ավետիքյանի՝ վիրավորանքը եւ զրպարտությունը հրապարակայնորեն հերքելու, ներողություն խնդրելու եւ փոխհատուցում տրամադրելու պահանջով: Հայցի առիթը մայիսի 25-ին <<Azg.am>> կայքում հրապարակված <<Փորի հատվածի ճարպը եւ սոված ստամոքսը>> վերտառությամբ հոդվածն է: 

 Հունիսի 29-ին հայցն ընդունվել է վարույթ: Նախնական դատական նիստ է նշանակվել հոկտեմբերի 11-ին:

 Այսօր՝ ապրիլի 12-ին, դատավոր Գայանե Մազմանյանի նախագահությամբ տեղի ունեցավ նշված գործով դատական երկրորդ նիստը, որի ընթացքում պատասխանող կողմի շահերը ներկայացնող փաստաբանը՝ Հայկ Պողոսյանը, նոր փաստթղթեր ներկայացրեց դատարանին, ըստ որոնց՝ Սեւակ Հաճի-Հակոբյանը Լիբանանի Հանրապետությունում մի քանի անգամ դատապարտվել է բանկային չեկերի կեղծման համար, որոնք վավերացվել են Լիբանանի պետական մարմինների կնիքներով եւ Լիբանանում ՀՀ  հյուպատոսության կողմից:

 Լիբանանի քրեական օրենսգրքի 666-րդ հոդվածով սահմանված հանցակազմով Սեւակ Հաճի-Հակոբյանը 3 անգամ դատապարտվել է եղել տարբեր տարիների կատարված վճիռների համաձայն եւ բանտում տարբեր ժամկետներով կրել իր պատիժը: 

 Ինչպես նշեց <<Ազգ>>-ի խմբագիր Հակոբ Ավետիքյանի շահերը ներկայացնող փաստաբան Հայկ Պողոսյանը, վերոնշյալ դատավճիռները թարգմանվել են եւ հաստատվել Լիբանանում ՀՀ հյուպատոսության կողմից:

 Հայցվոր կողմը՝ Սեւակ Հաճի-Հակոբյանի ներկայացուցիչը, պետք է ապացուցի հայցապահանջի հիմքում դրված պահանջները, պատասխանողը պետք է դատարանում ապացուցի առարիկությունների հիմքում դրված բոլոր փաստարկները:

 Սեւակ Հաճի-Հակոբյանի ներկայացուցիչ փաստաբանը՝ Արամ Խաչատրյանը  դատարանին միջնորդություն ներկայացրեց հետաձգել դատական նիստը, որպեսզի ուսումնասիրի եւ համապատասխան դիրքորոշում հայտնի նրան ներկայացված առարկության տեքստի եւ նոր ապացույցների վերաբերյալ: Դատարանը, ՀՀ քաղաքացիական դատավարության օրենսգրքի համաձայն, բավարարեց հայցվոր կողմի միջնորդությունը, եւ դատական նիստը հետաձգվեց: Հաջորդ նիստը տեղի կունենա հունիսի 14-ին:


    Լրահոս
    Երևանի ավագանու ընտրություններ, Քաղաքականություն
    Երևանում մեկնարկել են ավագանու արտահերթ ընտրությունները
    Օրացույց
    Ամենաընթերցված
    Եկեղեցական օրացույց
    /