• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 15, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Մեր ձայնը, Խմբագրական, Հայաստան
16.04.2018 | 18:21

Համակարգչային անվճար դասընթացներ Շիրակի մարզի երիտասարդների համար

 
Համակարգչային 3 պահանջված ծրագրերի ուսուցում.   ՌԱԿ Շիրակի մարզային գրասենյակի բացառիկ հնարավորությունը


<<Սոցցանցերից մեկում եմ տեսել հայտարարությունը: Իրականում աշխատավայրումս զգում էի այս ծրագրերի իմացության կարիքը, որն ավելի կհեշտացներ իմ աշխատանքը, ուստի այս հնարավորությունն օգտագործեցի: Ինքս էլ մեր մյուս աշխատակցուհուն խորհուրդ տվեցի, - պատմում է Անի Մաղաքյանը, ով արդեն մեկ ամիս է` հաճախում է գրաֆիկական դիզայնի` CorelDRAW ծրագրի դասընթացին: Անին ունեցել է արդեն նմանատիպ ծրագրերի դասընթացներին հաճախելու փորձ, բայց, ինչպես ինքն է խոստովանում, այս մեկը տարբերվում է, - Շատ կարևոր է այս ծրագրերը ճիշտ ներկայացնելը: Սրանից առաջ ես այլ տեղ էի գնացել սովորելու նույն ծրագիրը, բայց դասընթացն այնքան ձանձրալի էր, որ չկարողացա սովորել: Այստեղ դասավանդողը սկսեց այնպիսի հետաքրքիր մատուցմամբ, որն ինձ համար հեշտացրեց  թեմայի յուրացնումը>>: 

 

Արդեն շուրջ մեկ ամիս է, ինչ ՌԱԿ Շիրակի մարզային գրասենյակում մեկնարկել են համակարգչային  դասընթացները շուկայում  պահանջված երեք համակարգչային ծրագրերի  մատուցմամբ: Բացի  գրաֆիկական դիզայնից / CorelDRAW /, դասավանդվում են նաև  hամակարգչային հմտություններ , Microsoft Office , և   Adobe Photoshop, Adobe Acrobat, Publisher: Դասընթացներն անվճար են և ամբողջ ծրագիրը հովանավորվում է ՌԱԿ կենտրոնական վարչության կողմից: Դիմել կարող են բոլոր ցանկացողները` սկսած 15 տարեկանից: 

 

<<Շուրջ մեկ ամիս առաջ ՌԱԿ կենտրոնական վարչությունը հովանավորեց ՇՄ համակարգչային անվճար դասընթացների ծրագիրը, որին կարող են մասնակցել Շիրակի մարզի երիտասարդները: Դասընթացները 3 տարբեր ծրագրերի են վերաբերում: Արդեն կան ձևավորված  համապատասխան խմբերը,- նշում է ՌԱԿ մարզային գրասենյակի համակարգող Հովիկ Կարապետյանը և ավելացնում, - Մասնակիցները քննություն են հանձնելու և ստանալու են հավաստագիր, որ ավարտել են մեր անվճար ուսուցման կուրսերը>>: 

Ըստ մարզային գրասենյակի համակարող Հովիկ Կարապետյանի՝ սովորողների այս խմբին փոխարինելու են մյուսները, ովքեր արդեն ցուցակագրված են և սպասում են դասընթացների  հաջորդ փուլին: Ընդհանուր առմամբ, դասընթացների մասին հայտարարությունները տարածվել են գրասենյակի բոլոր հասանելի միջոցներով, այդ թվում`  սոցցանցերում: Ինչ վերաբերում է մասնագետներին, ապա ընտրվել են ոլորտում հայտնի լավագույնները: 

 

<< Հրավիրել  ենք  քաղաքում ճանաչված մասնագետներ  Երվանդ Պետրոսյանին,  Նաիրա Խաչատրյանին և  Տիգրան Մկրտչյանին: Մենք ենք վճարում ուսուցիչներին: Ծրագրում ենք ընդլայնել նաև ծրագրերի ուսուցման շրջանակը` ներառելով այլ ծրագրեր ևս, սա կախված է հետագա ֆինանսավորումից>> , - ավելացնում է Հովիկ Կարապետյանը: 

Adobe Photoshop-ի դասավանդող Երվանդ Պետրոսյանը նախապատվությունը տալիս է խմբային աշխատանքին` նշելով, որ այս դեպքում, սովորաբար, արդյունավետությունն ավելի բարձր է. << Խմբով աշխատելը միշտ ավելի արդյունավետ է, քան անհատականը: Նախ` մեկը մյուսին սկսում են լրացնել, հետո էլ` մրցակցություն է առաջանում:  Ես հաճույք եմ ստանում իմ աշխատանքից: Իրականում Photoshop-ի  կուսրերը բավականին թանկ են, սա լավ հնարավորություն է հետագայում աշխատանք ունենալու>>: 

 

Նաիրա Խաչատրյանը ոլորտի լավագույն մասնագետներից է, ով աշխատում է  մի շարք բարձրագույն ուսումնական հաստատություններում: Չնայած իր զբաղվածությանը, ժամանակ է գտել նաև այս ծրագրում դասավանդելու համար: Աշխատանքում կարևորում է  երկու հանգամանք.<< Նախ և առաջ պետք է սիրես գործը և  ամեն ինչ սիրով անես: Եթե սիրում ես, ուրեմն անպայման կկարողանաս հասկանալ, թե որտեղից սկսես, որ հետաքրքիր լինի սովորողին: Փայլուն երեխաներ են հավաքվել այստեղ և իրենց մասնագիտության համար շատ պետք է այս ծրագիրը>>:

 

Աշխատաշուկայում մրցունակության տեսանկյունից և մասնագետները, և դասավանդողները նշում են ընտրված ծրագրերի անհրաժեշտությունն ու մեծ պահանջարկը: Այն, որ ոլորտի հեղինակավոր մասնագետներն են այստեղ դասավանդում, խոսում է դասընթացի որակի մասին և հանդիսանում լուրջ երաշխիք` հետագայում ստացած գիտելիքները նպատակին ծառայեցնելու համար: Մինչ այդ, իրենց հնարավորությանն են սպասում հաջորդ խմբում ներառվելու համար հերթագրված երիտասարդները:   


 

 



    Լրահոս
    Օրացույց
    Ամենաընթերցված
    Եկեղեցական օրացույց
    /