• USD 480.18
  • GBP 675.23
  • EUR 590.67
  • RUB 7.82
  • GEL 196.69
Ապրիլ 22, 2018
Հայը պիտի ապրի ժողովուրդների սիրազոդ շղթային մեկ ոսկի օղակն ըլլալու համար

 

Դանիել Վարուժան

 

Գլխավոր լուր, Հոդվածներ, Լրահոս
17.04.2018 | 10:26

«Քայլ արա»... բայց դէպի ո՞ւր

Երկու շաբաթ առաջ ընթացք առած «Քայլ արա» նախաձեռնութիւնը այսօր բեկումնային փուլ մտած է: Գլխաւոր «Քայլ անող»ը Նիկոլ Փաշինեան, որ երէկ բախման մեծ ռիսքի մը ընթացքին վիրաւորուեցաւ եւ հիւանդանոց փոխադրուաեցաւ վճռած է ամէն գնով շարունակել անհնազանդութիւն ցուցաբերող արարքներ եւ իր հետ ալ դէպի անորոշութիւնը կը տանի մեծ թիւով ուսանողներ: Հետաքրքրականն այն է, որ նոյն Փաշինեանը, որ աշխոյժ մասնակցութիւն բերաւ 2017 թուականի Ազգային Ժողովի ընտրութիւններուն մէկ օրուան մէջ մոռցաւ երկրի նոր սահմանադրութեան հանդէպ ունեցած իր յանձնառութիւնը եւ նախընտրեց գործի դնել «փողոցի լեզու»ն: Հարց պիտի տանք, ինչ կը փնտռէ Փաշինեանը կամ ո՞ւր կ'ուզէ առաջնորդել Հայաստանի հասարակութեան «դգոհներու խաւ» մը, որ թուային առումով ալ մեծ թիւ մը չի ներկայացներ: Շատեր պիտի առարկեն, որ բողոքի հաւաք կատարելը, ցոյց ընելը, դժգոհիլը, փողոց փակելը, նստացոյց ընելն ու նման արարքները սահմանադրութեամբ եւ ըստ կանոնի արտօնուած արարքներ են: Սակայն հաշուի պէտք է առնել, որ այս գործողութիւններուն մասնակիցներուն մեծ տոկոսը հաշուի չառնէր, կամ կ'անտեսէ, որ իր ազատութիւնը, շարժելու իրաւունքը, ցոյց ընելու որոշումը կ'աւարտին հոն, ուր սկիզբ կ'առնէ միւս քաղաքացիին իրաւունքը: Խօսքը, աշխատանքի հասնող , իր երեխան դպրոց տանող, իր հիւանդ մայրը բժիշիկի հասցնող ՀՀ քաղաքացին, որ երէկ ամբողջ օրը «լրուած» մնաց խցանումներու մէջ: Քաղաքական առումով ալ բացայայտ է, որ միաւորներ «կորզել» փորձող Փաշինեանն ու «Քաղաքացիական պայմանագիր»ի միւս «լիտէր»ները դատապարտուած են պարտութեան:

 

Խորհրդարանին մէջ դրական շունչ մը բերելու ունակութիւն ունեցող այս երիտասարդները տրուեցան փողոցի լեզուին կարծելով ու «հաւատալ»ով, որ այդ ճանապարհով պիտի կարողանան «ոտքի հանել» «դժգոհներու խաւ» մը, որ խորքին մէջ Հայաստանի համար դրական «շոք» մը իրականացնելու ոչ մէկ շանս ունի: Դժգոհներ կան, Սերժ Սարգսեանի մօտեցումները, անոր քաղաքական ընկալումները չկիսողներ կան ու այդ շատ բնական երեւոյթ է, բայց եւ այնպէս բռնի ուժով ինչ որ «տրամադրութիւն» պարտադրելու կամ վիճակ ստեղծելու բոլոր փորձերը անվիճելիօրէն մերժելի են: Փաշինեան կ'ըսէ «Քայլ արա» ու մենք հարց պիտի տանք ... քայլ ընենք, այո, բայց դէպի ո՞ւր: Խնդիրն այն է, որ Փաշինեան կամ չուզէր հասկնալ կամ ալ կ'անտեսէ, որ քաղաքական հարթակի վրայ գործունէութիւն ծաւալող որեւէ անհատ իրաւունք չունի հասարակութիւնը հիասթափեցնելու ու կրկին անգամ փակուղիի մատնելու:

 

Ի դէպ այս մօտեցման մասին իր ականջին «ըսած են» իր միւս գործընկերներն ալ, որոնք այսօր չեն մասնակցիր բողոքի հաւաքներուն կամ Երեւանը կաթուածահար ընող ամէն տեսակի արարքներուն:

 

 

 

Ակներեւ է, որ Փաշինեանն ու իր համախոհները ընտրած են ցանկացած «ընդդիմադիր» ճակատի հեշտ ճանապարհ մը, որ սակայն ոչ մէկ տեղ տանելու ունակութիւնը ունի:

 

Դժգոհանք, անուանարկում, բողոքի քայլ, քայլ ընել, քալել, նստացոյց ընել ու ետ կանգնիլ այս բոլորը յարիր չեն Հայաստանին ու Հայաստանի երիտասարդութեանը, որուն համար գոյութիւն ունին շատ աւելի մեծ «անելիք»ներ եւ երազներ...

 

Փաշինեան տարբեր առիթներով կը խօսի Հայաստանի «հպարտ եւ երջանիկ» քաղաքացիներու անունով, սակայն խորքին մէջ իր բոլոր արարքները կը շարժին հակառակ ուղղութեամբ:

 

 

 

Հատուկ ՀԱՅ ՁԱՅՆի համար



    Լրահոս
    Օրացույց
    Ամենաընթերցված
    Եկեղեցական օրացույց
    /