• USD 482.48
  • GBP 643.97
  • EUR 565.61
  • RUB 7.83
  • GEL 197.33
Մայիս 24, 2018
«Մեր կուսակցության նախաբանն է Ժողովրդին, ժողովրդով, ժողովրդի համար:

Այժմ ցանկանում եմ հայտարարել՝ այսուհետ մեր նախաբանն է Երիտասարդներին, երիտասարդներով, երիտասարդ Հայաստանի համար: Կեցցեք բոլորդ: Շուտով այնքան զորանանք, որ անցնենք Արաքսի մյուս ափին և Արարատ լեռը մյուս կողմից դիտենք: Գալիք տարի էլ հանդիպենք Վանում...»

Վարդան Նազիրյան, Հայաստանակենտրոն Ռամկավար Ազատական Կուսակցության Գերագույն Խորհրդի Ատենապետ

Գլխավոր լուր, Հոդվածներ, Լրահոս
22.04.2018 | 08:01

Նոր կենտրոն՝ NAASR-ի համար. Հ.Ծ.

Ապրիլի վերջերին ակնկալվում է, որ «Հայագիտական ուսումնասիրությունների եւ հետազոտությունների ազգային ասոցիացիայի» (NAASR) Կոնկորդ պողոտայի (Բելմոնտ, Մասաչուսեթս, ԱՄՆ) վրա գտնվող հին շենքը ամբողջովին կքանդվի ճանապարհ հարթելու համար նոր, արդիական հայկական կենտրոնի շինարարության համար, տեղեկացնում է «Արմինյն Միրոր-Սփեքթեյթր» շաբաթաթերթը: Ըստ NAASR-ի նախագահ Երվանդ Չեքիճյանի , ապակեպատ արտաքինով երեք հարկանի նոր կառույցը ամենագեղեցիկն է լինելու տարածքում եւ ծառայելու է հայկական համայնքին որպես գլոբալ ծառայությունների կենտրոն:

 

Նոր շենքի շինարարության գլխավոր նվիրատուներն են Էդուարդ եւ Պամելա Ավետիսյանները, Մարգարետ եւ Լեւոն Ադամյանները եւ Մարթա եւ Ջեյմս Բատմասյանները: Համայնքի այլ անդամներ նույնպես մասնակցում են իրականություն դարձնելու համար կենտրոնի նոր շենքի կառուցումը:

 

Բելմոնտի քաղաքաշինության վարչությունը հավանություն տվել է «Symmes, Maini եւ Mckee» ճարտարապետական դիզայնի ֆիրմայի գործադիր տնօրեն Արա Քրաֆյանի նախագծին:

 

NAASR-ը իր գործունեությունը շարունակելու է ժամանակավորապես տեղափոխվելով Ուոթերթաունի ՀԲԸՄ-Նյո Ինգլենդի կենտրոնական շենքը: Մոտ 40 հազար գիրք պարունակող գրադարանը մեկ տարով փակվելու է, բայց առցանց ծառայությամբ (www.naasr.org) գրքեր տրամադրվելու են ընթերցողներին:

 

Նոր շենքը ունենալու է հավաքույթների հսկայական տարածք, հետազոտությունների առաջնակարգ կենտրոն, ընդարձակ եւ հարմարավետ գրադարան, գրախանութ, Շոա հիմնադրամի տեսանյութերի դիտարկման դահլիճ, դասարաններ, տանիքում «Սոլարիում»ՙ հյուրասիրությունների եւ ժամանցի հավաքատեղի, ինչպես նաեւ այլ հարմարություններ:

 

Նախատեսվում է շենքի շինարարությունը ավարտել մեկ տարուց:

 

Հ.Ծ./ԱԶԳ


    Լրահոս
    ՌԱԿ
    ՌԱԿ պատվիրակությունը հանդիպել է ՀՀ նախագահ Արմեն Սարգսյանի հետ
    Օրացույց
    Ամենաընթերցված
    Եկեղեցական օրացույց
    /