• USD 482.48
  • GBP 643.97
  • EUR 565.61
  • RUB 7.83
  • GEL 197.33
Մայիս 23, 2018
«Մեր կուսակցության նախաբանն է Ժողովրդին, ժողովրդով, ժողովրդի համար:

Այժմ ցանկանում եմ հայտարարել՝ այսուհետ մեր նախաբանն է Երիտասարդներին, երիտասարդներով, երիտասարդ Հայաստանի համար: Կեցցեք բոլորդ: Շուտով այնքան զորանանք, որ անցնենք Արաքսի մյուս ափին և Արարատ լեռը մյուս կողմից դիտենք: Գալիք տարի էլ հանդիպենք Վանում...»

Վարդան Նազիրյան, Հայաստանակենտրոն Ռամկավար Ազատական Կուսակցության Գերագույն Խորհրդի Ատենապետ

Հայաշխարհի ձայն, Լրահոս, Մեր ձայնը, Խմբագրական, Հայաստան
05.05.2018 | 10:42

Ռամկավար Ազատական Կուսակցութեան Գերագոյն Խորհուրդի եւ Կեդրոնական Վարչութեան Յայտարարութիւն

Ռամկավար Ազատական Կուսակցութեան Գերագոյն Խորհուրդն ու ԿեդրոնականՎարչութիւնը (Կուսակցութեան միակ եւ իրաւասու մարմինները), կ՚ողջունեն Հայաստանի ժողովրդական շարժումի, մասնաւորաբար երիտասարդութեան յաղթանակը` Հայաստանը օժտելու ժողովուրդի կողմէ առաջադրուած թեկնածու Նիկոլ Փաշինեանի կանխատեսելի յաղթանակին կապակցութեամբ։

Այս առիթով, կ՚ուզենք Հայաստանի եւ սփիւռքի հայ ժողովուրդին եւ բոլոր պետական, եկեղեցական եւ հանրային հաստատութիւններուն յայտնել, որ «Ռամկավար Ազատական Կուսակցութեան կեդրոնական Վարչութիւն» անունով հրապարակ իջած ապօրինի խմբակին կողմէ հրապարակուած հաղորդագրութիւնները ոչ մէկ կապ ունին Ռամկավար Ազատական Կուսակցութեան Հայաստանեան եւ Սփիւռքեան կառոյցներուն եւ անդամակցութեան հետ։

Արդարեւ, Հայաստանի ժողովուրդին եւ առողջ երիտասարդութեան միահամուռ ձայնը մեր ժող խմբակ մը իրաւունքը չունի վատաբանելու եւ երջանիկ ապագայ խոստացող ժողովրդական շարժումը անարգելու։

Նոյնպէս, ապաշնորհ բնորոշում մըն է Հայրենի ժողովուրդին եւ երիտասարդութեան արդարացի ցոյցերը բնութագրել իբրեւ «փողոց փոխադրելու արկածախնդրութիւն» որ «կրնայ աննախատեսելի ու անհակակշռելի հետեւանքներ ունենալ» եւ «ժամանակը յղի է աննախատեսելի վտանգներով»։ Այս բացայայտ սպառնալիքները

ցոյց կուտան այս անպատասխանատու տարրերուն հասունութեան պակասն ու հայաստանեան հարցերը ընկալելու եւ լուծումներ առաջարկելու անկարողութիւնը։

Ապօրինի այս խմբակը, որ Հայրենի ժողովուրդին պոռթկումը տեսնելէն ետք կոչ կ՚ընէ հարցերը «պետական հաստատութիւններու հովանիին ներքոյ հետապնդելու», այսինքն Հայաստանի Հանրապետական Կուսակցութեան ենթարկուելով Հայաստանի ներկայ ճգնաժամը լուծելու տարբերակին, իրաւունքը չունի ոչ մէկ անունով հրապարակ իջնելու որպէս հայ ժողովուրդին մէկ հատուածի ներկայացուցիչ։

Շատ յստակ է, որ ՌԱԿ ապօրինի «Կեդրոնական Վարչութիւն» խաղացողները սարսափած են իրենց հովանաւորներուն պարտութիւնը տեսնելով, քանի որ այդ պիտի նշանակէր իրենց սնանկութեան բացայայտումն ու գաղափարական եւ հոգեմտաւոր ամօթալի մերկութիւնը։

Ռամկավար Ազատական Կուսակցութեան Գերագոյն Խորհուրդն ու Կեդրոնական Վարչութիւնը կրկին անգամ կուգան իրենց անվերապահ զօրակցութիւնը յայտնելու Հայաստանի ժողովուրդին եւ անոր նշանակած վարչապետի թեկնածու Նիկոլ Փաշինեանին։

 

Յաւերժ փառք հայ ժողովուրդին եւ մեր անմահ Հայաստանին։

 

05.05.2018 թ.

 

Ռամկավար Ազատական Կուսակցութիւն

 

Գերագոյն Խորհուրդ 

 

Վարդան Նազիրեան

Ատենապետ 

 

Կեդրոնական Վարչութիւն

Յակոբ Աւետիքեան

Ատենապետ



    Լրահոս
    ՌԱԿ
    ՌԱԿ պատվիրակությունը հանդիպել է ՀՀ նախագահ Արմեն Սարգսյանի հետ
    Օրացույց
    Ամենաընթերցված
    Եկեղեցական օրացույց
    /