• USD 482.2
  • GBP 632.02
  • EUR 555.4
  • RUB 7.55
  • GEL 195.91
Հունիս 21, 2018
Մեսրոպ Մաշտոցի թարգմանած առաջին նախադասությունը

  «Ճանաչել զիմաստութիւն եւ զխրատիմանալ զբանս հանճարոյ»

Հայաշխարհի ձայն, Լրահոս, Հայաստան, Ուրիշ ձայներ
05.05.2018 | 12:02

Ի՞նչ Կը Գրէ Ֆրանսական Մամուլը Հայաստանեան Իրադարձութիւններուն Մասին

Ֆրանսական մամուլը, որ կարելի է ըսել՝ առաջին օրերուն անտարբեր էր Հայաստանի թաւշեայ յեղափոխութեան նկատմամբ, վերջին երկու-երեք օրերուն ամբողջութեամբ փոխած

է այդ դիրքորոշումը: Գրեթէ առանց բացառութեան, աւանդական բոլոր օրաթերթերու եւ շաբաթական որոշ հանդէսներու, ինչպէս նաեւ ձայն-հեռատեսիլի զանազան կայաններու կայքէջերը այլեւս նոյնիսկ օրը քանի մը անգամ Հայաստանի իրադարձութիւններուն նուիրուած լուրեր կամ նիւթեր կը հրապարակեն, ըստ դէպքերու զարգացման: Անոնք նաեւ թղթակիցներ ղրկած են տեղւոյն վրայ:

Այսպէս, մեր տեսած հրապարակումներէն քանի մը օրինակ: «Լը Մոնտե Մայիս 3-ին կը խորագրէր՝ «Հայաստանի մէջ, Նիկոլ Փաշինեան կը հաւատայ իր յաղթանակին»: Թերթը կը գրէր. «ներքաղաքական տագնապի սկիզբէն երեք շաբաթ ետք՝ իշխանութեան Հանրապետական կուսակցութիւնը, այնպէս կը թուի, թէ որոշած է ընդունիլ ընդդիմութեան

առաջնորդին վարչապետ նշանակումը»:

Նոյն օրը «Ֆիկառօե «Դէպի տագնապէն ելքե խորագրին տակ կը նշէր, թէ «Նիկոլ Փաշինեան իր կողմնակիցներուն կոչ ըրաւ վերջ տալու երկիրը անդամալուծող քաղաքացիական անհնազանդութեան գործողութիւններուն: Մեծամասնութեան կուսակցութիւնը վերջապէս ընդունեց զօրակցիլ վարչապետի պաշտօնին անոր (իմա՝ Նիկոլ Փաշինեանի - «ՆՅ») թեկնածութեան»: «Ֆիկառօ», – թէեւ չակերտներու մէջ, – նոյնիսկ «հարցը լուծուած» կը տեսնէր: Ներկայացնելով դէպքերուն պատմականը, թերթը «մեծապէս փութինականե կ՚որակէ Սերժ Սարգսեանի՝ այս անգամ ալ որպէս վարչապետ երկրին ղեկը ձեռքը պահելու փորձը:

«Լիպերասիոն»-ի կայքէջին Մայիս 3-ի խորագիրն էր՝ «Հայաստանի մէջ փխրուն կարգաւորում մը կ՚ուրուագծուի շաբաթներ տեւած բողոքի ցոյցերէ ետքե: Թերթը նախորդ օր ալ «Կովկասի ինստիտուտ»-ի տնօրէն, քաղաքագէտ Ալեքսանդր Իսկանդարեանի հետ հարցազրոյց մը կատարած է: Վերջինս համոզում յայտնած է, որ Փաշինեան վերջ ի վերջոյ պիտի հասնի իշխանութեան, սակայն անոր նշանակումը պիտի հանդիսանայ Հայաստանը ճշմարիտ ժողովրդավարացման առաջնորդող փշոտ ճամբուն սկիզբը միայն: “Հայաստան երեք օրէն Զուիցերիա պիտի չդառնայյայտարարած է Իսկանդարեան, որուն այս խօսքերը օգտագործուած են նաեւ որպէս խորագիր:

«Լա Գռուա» օրաթերթի Մայիս 3-ի խորագիրն էր. «Հայաստան կ՚ընդնշմարէ տագնապէն ելք մը. ինչպէ՞ս Նիկոլ Փաշինեան ծունկի բերաւ իշխանութիւնըե: Եւ կը կատարէ դէպքերու պատմականը: Մայիս 1-ին վարչապետի ընտրութեան ձախող փորձէն ետք՝ «Էօրոփ 1» ձայնասփիւռի կայքէջը Մայիս 2-ին, յոռետես, կը խորագրէր. «Թաւշեայ յեղափոխութիւնը յանկարծ կը դադրի»: «Լը Փուէն» շաբաթաթերթը Մայիս 3-ին հայաստանեան իրադարձութիւններուն կ՚անդրադառնար Նիկոլ Փաշինեանի կենսագրական գիծերուն եւ լրագրական ու քաղաքան ասպարէզին ընդմէջէն, խորագրելով՝ «Հայաստան. Փաշինեան՝ նախկին լրագրողը, որ կ՚ուզէր դառնալ վարչապետ»:

 

Աղբիւրը՝ Նոր Յառաջ



    Լրահոս
    Օրացույց
    Ամենաընթերցված
    Եկեղեցական օրացույց
    /