• USD 482.59
  • GBP 639.29
  • EUR 559.61
  • RUB 7.62
  • GEL 196.37
Հունիս 19, 2018
Մեր տղերքը ունեն հզոր մարտական ոգի

 

Կարևորը հզոր մարտական ոգին է ու գաղափարը, որն ունեն մեր տղերքը՝ մեր զինվորները: Հայ ժողովուրդն ու Հայոց բանակը երաշխավորն են այն բանի, որ պատերազմ չի լինի:

Արկադի Տեր-Թադևոսյան

Հայաշխարհի ձայն, Լրահոս, Հայաստան
05.05.2018 | 12:30

Շատ կարեւոր է, թե ինչ փոփոխություններ կլինեն ուժային կառույցներում. Քաղաքագետ

«Շատ կարևոր է, թե ուժային բլոկն ինչպիսին կլինի, ինչ փոփոխություններ կլինեն ուժային կառույցներում»,- լրագրողների հետ հանդիպման ժամանակ նման տեսակետ հայտնեց «Կովկաս ինստիտուտի» տնօրեն, քաղաքագետ Ալեքսանդր Իսկանդարյանը:

 

Նա հակված չէ մտածել, թե ԼՂՀ հարցը կարող է լուծվել` կախված նրանից, թե ով կլինի երկրի ղեկավարը. «ԼՂՀ հարցը լրիվ այլ հարթության մեջ է, բանակցությունները վաղուց խնդրի կարգավորման շուրջ չեն գնում, այլ՝ լրիվ այլ հարցերի»:

 

Քաղաքագետից հետաքրքրվեցինք՝ արդյոք նա տեսնո՞ւմ է Նիկոլ Փաշինյանին երկրի գերագույն գլխավոր հրամանատարի պաշտոնում՝ հաշվի առնելով, որ ՀՀԿ-ականներն ԱԺ-ում հիմնականում քննադատություններ էին հնչեցնում, որ Ն. Փաշինյանը համապատասխան հմտություններ և փորձ չունի:

 

Ի պատասխան՝ քաղաքագետն ասաց, որ որպես վերլուծաբան՝ ինքն էթիկայից ելնելով՝ չի կարող գնահատական տալ մարդու անհատականությանը և նրա հմտություններին. «Բացի այդ՝ մենք չենք կարող գնահատել, որովհետև նա երբեք չի եղել զինվորական, որևէ գերատեսչության ղեկավար, և դրա համար ինչի՞ հիման վրա ես կարող եմ նրան գնահատել:

 

Ընդհանրապես, դա կախված է այն կադրային փոփոխություններից, որոնք տեղի կունենան Պաշտպանության նախարարությունում և, ընդհանրապես, ուժային բլոկում: Ես հակված չեմ պարոն Փաշինյանին համարել անխելք մարդ, ակհայտ է, որ նա այդպիսին չէ, ու այն առաջարկները, որոնք արվել են մինչ այսօր, դրանք ինչ-որ չափով ցույց են տալիս, որ ուժային բլոկը կարևորվում է»:



    Լրահոս
    Օրացույց
    Ամենաընթերցված
    Եկեղեցական օրացույց
    /