• USD 482.48
  • GBP 643.97
  • EUR 565.61
  • RUB 7.83
  • GEL 197.33
Մայիս 23, 2018
«Մեր կուսակցության նախաբանն է Ժողովրդին, ժողովրդով, ժողովրդի համար:

Այժմ ցանկանում եմ հայտարարել՝ այսուհետ մեր նախաբանն է Երիտասարդներին, երիտասարդներով, երիտասարդ Հայաստանի համար: Կեցցեք բոլորդ: Շուտով այնքան զորանանք, որ անցնենք Արաքսի մյուս ափին և Արարատ լեռը մյուս կողմից դիտենք: Գալիք տարի էլ հանդիպենք Վանում...»

Վարդան Նազիրյան, Հայաստանակենտրոն Ռամկավար Ազատական Կուսակցության Գերագույն Խորհրդի Ատենապետ

Գլխավոր լուր, Հոդվածներ, Լրահոս, Մեր ձայնը, Խմբագրական
07.05.2018 | 15:10

Ինչո՞ւ եւ ինչպէս

Այս պահուն երբ լոյս կը տեսնէ ՙՊայքար՚ի այս համարը, արդէն վճրուած պիտի ըլլայ Հայաստանի ճակատագրին հետ առնչուող հարցերէն մէկը – նոր վարչապետի ընտրութիւնը: Մինչեւ այս հանգրուանը բաւական խաղեր ու դաւեր սարքուեցան վիժեցնելու կամ յետաձգելու համար ժողովրդային յեղափոխութեան յաղթանակը: Բայց միեւնոյն ժամանակ քաղաքական բոլոր ոյժերը իրենց այդ գործարքներուն մէջ մնացին զգուշաւոր` կարմիր գիծերը շրջանցելու:

ՙԹաւշեայ յեղափոխութիւն՚ը քաղաքական անզէն շարժում մըն էր որ փուլ բերաւ հաստատուն կարծուող Հանրապետական Կուսակցութեան տասնամեայ իշխանութիւնը:

2008ի Մարտի մէկի եւ Հոկտեմբեր 27ի խորհրդարանի սպանդով Հայաստան լրջօրէն եղծանած էր իր քաղաքական վարկը միջազգային հրապարակին վրայ: Այս անգամ սակայն շարժումը դարձաւ դասական օրինակ մը անարիւն կերպով իշխանափոխութիւն կատարելու: Այն աստիճան որ անգլիական զսպութեամբ յայտնի Լոնտոնի ՙԻքոնոմիստ՚ շաբաթաթերթը գրեց որ այս շարժումը քաղաքական գործարք մը ըլլալէ աւելի տօնահանդէսի մը բնոյթը ունի:

Զանգուածը շարժելը աւելի հեշտ է քան այդ զանգուածին ուղղութիւն տալը: Հետեւաբար, այդ հսկայ շարժումները դուրս չելան հակակշիռէ, եւ մանաւանդ, շարժումի ղեկավարին զգուշացումները որ իշխանափոխութենէն վերջ վանտեթթա-ներ տեղի պիտի չունենան` փարատեցին վախերը: Իսկապէս ալ, երբ վրէժխնդրութեան մթնոլորտ մը կը ստեղծուի` կեանքը անտանելի կը դառնայ մինչեւ անգամ այն մարդոց, որոնք թիրախը չեն դարձած այդ վրէժխնդրութեանց:

Երիտասարդութիւնը որ ոտքի ելաւ, ճիշդ է թէ ունի փորձառութեան պակաս – սակայն ան դրսեւորեց շատ աւելի արժէքաւոր բան մը` քաղաքացիական արիութիւնը: Ան եկաւ հաստատելու թէ հասունցած է քաղաքական սերունդ մը որ ալ իր սրտին մէջ չունի սովետի յատուկ վախը. թէ ան տէրն է երկրին եւ կ'ուզէ ինք տնօրինել իր հայրենիքին ճակատագիրը: Իրապաշտ ըլլալու համար պէտք է ըսել թէ տակաւին չէ աւարտած յեղափոխութեան գործընթացը եւ մանաւանդ` երբ այս ՙտօնահանդէս՚ը վերջ գտնէ, լոյսերու պղպջակին տակէն գլուխ պիտի ցցեն երկրին մնայուն մարտահրաւէրները – տնտեսութեան կազմակերպումը, շրջափակումը, երկրի քաղաքական նոր արեւելումը եւ այլ խնդիրներ որոնք տեսանելի չեն եւ չեն ալ կրնար ըլլալ ՙտօնախմբութեան՚ մասնակիցներուն: Սակայն, այդ բոլոր խնդիրները որքան ալ դաժան ըլլան` ժողովուրդը պիտի կրնայ ինքնավստահութեամբ դիմակալել, որովհետեւ ան միասնականութեամբ դուրս եկաւ այս պայքարէն:

Այդ խնդիրները Հայաստանը տագնապեցուցած են երկար ատեն եւ անոնց լուծման բեռը միշտ մնացած է Հանրապետական Կուսակցութեան եւ անոր իշխանութեան ուսերուն, որովհետեւ, անոնք հասարակութեան մէջ բաժանումներ էին յառաջացուցած իւրացնելով երկրի բարիքներուն առաւելագոյնը, ժողովուրդի մեծամասնութեան բաժին հանելով աղքատութիւնն ու զրկանքը: Հետեւաբար, ժողովրդային խաւերու մէջ յառաջացած էր անտարբերութիւն մը, հեղինակազրկութեան զայրոյթը, այն աստիճան որ ան կերպով մը զարմանալի գոհունակութիւն մը կը զգար իշխանութեան անճրկումէն եւ անկարողութենէն:

Հանրապետականներու իշխանութեան տապալման մէջ որքան բաժին ունի Նիկոլ Փաշինեանը, նոյնքան բաժին ունին նաեւ, իրենք հանրապետականները, ժողովուրդի պահանջներուն դիմաց իրենց ցուցաբերած անզգամութեամբ:

Երբ ժողովուրդը կը տեսնէր շռայլ հարսանիքները օլիկարքներուն, շքեղ ապարանքներն ու ինքնաշարժները, երբ անդին ընտանիքներ չնչին կենսաթոշակով կամ եկամուտով կիսաքաղձ վիճակի մատնուած էին` բնական էր որ հասարակական կարգը պիտի խախտէր տեղ մը:

Եւ այս բոլորէն ետք Սերժ Սարգսեանի որոշումը` իշխանութիւնը իր ձեռքին պահելու եւ տալու ազդանշանը ժողովուրդին թէ կացութիւնը դեռ երկար ժամանակ պիտի մնայ նոյնը` յորդեցուց բաժակը, մանաւանդ, իբրեւ շարունակութիւն այդ անզգամութեան` ան որոշեց ժողովուրդի աչքին վարկազրկուած նախարարներուն մեծամասնութիւնը վերստին պաշտօնին կոչել:

Սերժ Սարգսեանին համար իրազեկութեան պահը քիչ մը ուշ հասաւ. ան ինքզինք շրջապատած էր այնպիսի գործակիցներով որ միշտ բարի լուրեր հաղորդեն իրեն: Այդ պատճառով ալ երբ հանդիպեցաւ Նիկոլ Փաշինեանին Մարիոթ հիւրանոցին մէջ, ան արհամարանքով յայտնեց թէ Նիկոլը 7-8% տոկոս շահած ըլլալով ընտրութեանց իրաւունքը չունի ժողովուրդին անունով խօսելու: Բայց երբ վերադարձաւ տուն եւ սկսաւ իր սեփական աչքերով հետեւիլ լուրերու հոսանքին` պարկեշտութիւնը ունեցաւ ընդունելու որ ՙես սխալած եմ, Նիկոլը իրաւունք ունէր՚:

Հակասութիւններու այս աշխարհին մէջ է որ Փաշինեանը տեսաւ քաղաքական պատեհութիւնը եւ առաւ իր քայլը` ՙՔայլ արա, մերժիր Սերժին՚ կարգախօսով եւ յաջողեցաւ լաւատեսութեան շունչով վարակելու ըմբոստանալու պատրաստ երիտասարդութիւն մը:

Բոլորին համար պարզ է որ յետադարձ հայեացքով Սերժ Սարգսեանը կրնար պահել Հանրապետականի իշխանութիւնը` եթէ, ինքնախաբէութեան զոհ չդառնալով, առաջադրէր Կարէն Կարապետեանի թեկնածութիւնը: Կարէն Կարապետեան իբրեւ գործարար, շահած էր որոշ համակրութիւն ժողովուրդին մօտ, եւ ի վիճակի էր պայթունավտանգ կացութիւնը շրջանցել:

Բայց ժողովուրդը գոհունակութեամբ շունչ պիտի քաշէ ըսելով որ Սերժ Սարգսեանի շրջահայեցութեան պակասը աւելի լաւ եղաւ, որովհետեւ երկիրը թեւակոխեց նոր դարաշրջանէ մը ներս:

Հայաստան կը գտնուի այնպիսի աշխարհամասի մը մէջ որ իրաւունք չունի իր զգօնութիւնը մէկ րոպէ իսկ վար դնելու, որքան որ ալ իր տան մէջ ցնծութիւն դրսեւորէ: Արդէն, Ատրպէյճանի խորհրդարանականներէն մէկը` Կուտրաթ Հասանկիւլիեւ յայտարարած է ՙՄենք պէտք է որոշենք եւ առիթները օգտագործենք եւ յարմար պահուն ազատագրենք մեր հողերը՚: Այսպիսի կողմնակի տրամադրութիւններով հանդերձ` Ալիեւ արտասովոր կերպով լուռ է այս պահուն: Հաւանաբար, Փութինի կողմէ Պաքու ղրկուած զինուորական պատուիրակութիւնը հարկ եղած զգուշացումը կատարած է: Սակայն կրնայ պատահիլ որ Փութինը միշտ ալ միեւնոյն տրամադրութեան մէջ չըլլայ, որովհետեւ, ազդանշաններ կան որոնք կրնան անդրադառնալ իր որոշումներուն վրայ. օրինակ, Հայաստանի մէջ պատահած խաղաղ յեղաշրջումը կրնայ օրինակ հանդիսանալ Ռուսաստանի միւս դաշնակիցներուն:

Միւս կողմէ հրապարակը պղտորող շատ լուրեր եւ ազդակներ կը շրջին որ այս շարժումը – որքան ալ պնդենք թէ զուտ հայկական էր – կրնայ հակառուսական բնոյթ ունենալ, հակառակ Փաշինեանի խոստումին որ ինք հակամէտ չէ կտրուկ շրջադարձներ կատարելու արտաքին քաղաքականութեան մէջ:

Փաստ է նաեւ որ այս շարժումին սատարեց զանգուածային լրատուութեանց համակարգը – եթէ նոյնիսկ տուեալ առնենք որ ժողովուրդին մօտ հասունցած էր պոռթկալու տրամադրութիւնը: ՙԱզատութիւն՚, ՙՍիվիլնէթ՚, ՙԺողովուրդ՚, ՙԱռաջին լրատուական՚ եւ բազմաթիւ այլ լրատու աղբիւրներ, համակարգուած ձեւով, եւ տարիներու վրայ իշխանութեան բացթողումները ներկայացուցին եւ վերլուծաբաններու եւ քաղաքագէտներու յայտարարութիւններով նպաստեցին իշխանութեան տկարացման եւ փլուզումին:

Եթէ մենք իսկ հարց չհարուցանենք, Մոսկուայի եւ այլ մայրաքաղաքներու մէջ նստած մարդիկ պիտի քննարկեն թէ ո՞վ կը ֆինանսաւորէ եւ կը համակարգէ այդ լրատու միջոցները: Եւ կը հասնին իրենց եզրակացութիւններուն, մենք սիրենք կամ ոչ, համակարծիք ըլլանք կամ ոչ:

Պահը անսահման կերպով ոգեւորիչ է, եւ մեր ժողովուրդին միասնականութիւնը կը մնայ գլխաւոր երաշխիքը յաջողութեամբ դիմակայելու վաղուան բոլոր դժուարութիւններն ու մարտահրաւէրները:

 

Խմբագրական Պայքար շաբաթաթերթի,դրոշակակիր պաշտոնաթերթ Ռամկավար Ազատական կուսակցության

 

 



    Լրահոս
    ՌԱԿ
    ՌԱԿ պատվիրակությունը հանդիպել է ՀՀ նախագահ Արմեն Սարգսյանի հետ
    Օրացույց
    Ամենաընթերցված
    Եկեղեցական օրացույց
    /