• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 25, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Մեր ձայնը, Խմբագրական, Հայաստան
08.05.2018 | 22:31

Ռամկավար Ազատական կուսակցության շնորհավորանքը Նիկոլ Փաշինյանին ՀՀ վարչապետ ընտրվելու կապակցությամբ

Ռամկավար Ազատական կուսակցությունը Հայաստանում եւ Սփյուռքում գործող իր բոլոր կառույցների անունից ջերմորեն շնորհավորում եւ հաջողություններ է մաղթում պրն Նիկոլ Փաշինյանին ՀՀ վարչապետ ընտրվելու կապակցությամբ։ Իրոք¸ ծանր բեռ եւ պարտավորություն¸ որի արդյունավորումից է կախված մեր ժողովրդի ու պետության անվտանգ¸ խաղաղ եւ բարօր կյանքը¸ պետական եւ ազգային բոլոր մարզերում մեր երկրի¸ ողջ հայության հետագա զարգացման ընթացքը։

Համաժողովրդական ոգեւորությունից¸ ինքնահիացումից եւ արդար հաղթանակի բերկրանքից սթափվելու ժամն է արդեն¸ տքնանքի¸ ուժերը լարելու¸ դիմանալու եւ դիմակայելու ժամը¸ ժամը իմաստուն եւ իմաստավորված աշխատանքի¸ որի միջոցով միայն պիտի կերտենք մեր մատաղ սերունդների ապագան։

Պատմական այդ լրջագույն առաքելության հաջողության համար ՌԱԿ-ը պատրաստակամ է Մայր հայրենիքում թե Սփյուռքում իր ողջ կարողականությունները միաձուլել հետագա օրերին կազմվելիք նոր կառավարության ջանքերին¸ ամեն գնով նպաստել երկրում ժողովրդավարության¸ արդարության¸ տնտեսության իսկական ազատականացման¸ արդյունաբերության¸ գյուղատնտեսության¸ առեւտրի¸ կրթության¸ մշակույթի եւ զբոսաշրջության զարգացման ուղղությամբ տարվելիք աշխատանքներին։

 

 

ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹՅԱՆ

 

ԿԵՆՏՐՈՆԱԿԱՆ ՎԱՐՉՈՒԹՅՈՒՆ

Ատենապետ

Հակոբ Ավետիքյան

 

ԳԵՐԱԳՈՒՅՆ ԽՈՐՀՈւՐԴ

Ատենապետ

Վարդան Նազիրյան



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /