• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Հայաստան
11.05.2018 | 16:16

Լևոն Երանոսյանը կազատվի ոստիկանության ներքին զորքերի հրամանատարի պաշտոնից

Հայաստանի ոստիկանության ներքին զորքերի հրամանատար Լևոն Երանոսյանը կազատվի պաշտոնից: ՀՀ կառավարության նիստից հետո լրագրողների հետ զրույցում այս մասին հայտնեց ՀՀ վարչապետ Նիկոլ Փաշինյանը: «Լևոն Երանոսյանի հարցը վարչապետի տիրույթում է և, բնականաբար, Լևոն Երանոսյանը կազատվի ոստիկանության զորքերի հրամանատարի պաշտոնից»,-  ասաց Փաշինյանը: Տեղեկացնում է Արմենպրեսը: 

Հարցին` բացի կադրային փոփոխություններից, պատիժներ լինելո՞ւ են, Նիկոլ Փաշինյանը պատասխանեց. «Այն պատիժները, որոնք վարչապետի տիրույթում են և դրա համար կլինեն հիմքեր, կիրականացվեն։ Մյուս մասերով ես ասել եմ՝ չեմ կարող միաժամանակ լինել վարչապետ, քննիչ, դատախազ, դատավոր»:

Նիկոլ Փաշինյանն անդրադարձավ նաև Վալերի Օսիպյանին ոստիկանապետ նշանակելու որոշման քննադատություններին` շեշտելով, որ որևէ ոստիկանապետի նշանակում հանրության կողմից միանշանակ չէր ընդունվելու: «Ինչո՞ւ։ Որովհետև ՀՀ օրենսդրության համաձայն ոստիկանության պետի պաշտոնում պետք է նշանակվեր ոստիկանության գործող համակարգից որևէ մեկը և, պարզ էր, որ որևէ նշանակում միանշանակ գնահատականի չէր արժանանալու»,-ասաց Փաշինյանը:

Մայիսի 10-ին ՀՀ վարչապետի առաջարկությամբ ՀՀ Նախագահ Արմեն Սարգսյանի հրամանագրով Վալերի Օսիպյանը նշանակվել է ՀՀ ոստիկանության պետ: Վալերի Օսիպյանը 2009 - 2010 թվականներին զբաղեցրել է ՀՀ ոստիկանության գնդի հրամանատարի տեղակալ պաշտոն, 2010 - 2011 թվականներին՝ գնդի հրամանատարի, 2011 - 2012 թվականներին՝ Երևան քաղաքի վարչության հասարակական անվտանգության բաժնի պետի, 2012 թվականի սեպտեմբերից մինչ 2018 թվականի մայիս ամիսը՝ Երևան քաղաքի վարչության պետի տեղակալի պաշտոնները:



    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /