• USD 481
  • GBP 631.07
  • EUR 562.53
  • RUB 7.62
  • GEL 196.93
Հուլիս 23, 2018
Շարական

«Բարեխօսութեամբ Վերին քո զօրացդ

Միշտ անշարժ պահեայ զԱթոռն Հայկազեան»:

 

 

Գլխավոր լուր, Հոդվածներ, Լրահոս
14.05.2018 | 15:04

Փաշինեանի կառավարութիւն.Հայաստան 10 տարիով «երիտասարդացաւ» (Լուսանկար)

Հայրենի Infographics.am դիմատետրի էջը հետաքրքրական պատկեր մը (ինֆոկրաֆ) հրապարակած է: Պատկերը թուանաշանային փաստերով ցոյց կու տար, որ Հայաստանի կառավարութիւնը 10 տարիով «երիտասարդականացած» է: Անցնող օրերուն Հայաստանի վարչապետին կողմէ կատարուած նշանակումները տեսակ մը «շոքային» վիճակ ստեղծած էին հայութեան համար: «Շոքային» արտայայտութիւնը միանշանակ վերաբերմունքի չէր արժանանար, այն իմաստով, որ այս յատկապէս տարիքային առումով նշանակումները աննախադէպ էին:

Ամէնէն երիտասարդ նախարարը կը դառնար Մխիթար Հայրապետեանը (27 տարեկան) ,որ միաժամանակ կը համարուէր Փաշինեանի «քայլ արա» նախաձեռնութեան գլխաւոր մտայղացողը: Իսկ ամենէն «տարեց»ը կը համարուէր ԱԳ նախարար Զօհրապ Մնացականեանը (52 տարեկան) որ «քատրային» գործիչ մ'ըլլալէ զատ բաւական բեղուն գործունէութիւն ծաւալած դիւագէտ էր:

Յստակ է նաեւ, որ «լուռ» կերպով այս նշանակումները քննադատող կողմերը կը յենուէին այն ապացոյցին կամ «վարանումին» վրայ, ըստ որուն նախարարներուն տարիքը «շատ երիտասարդ» են, հետեւաբար անոնք փորձի եւ փորձառութեան լուրջ խնդիր կրնան ունենալ:

Հետաքրքրական է, որ այս նշանակումներուն առթիւ եւ յատկապէս սփիւռքեան լրատուական դաշտը լեցնող պարբերականներու պարագային մինչեւ այս տողերուն լոյսին գալը լուրջ քննադատութիւններ կամ եղածը «անյարմար» համարող կողմեր չգտնուեցան, սակայն չի բացառուիր, որ այդ մօտեցումը լսելի դառնայ աւելի ուշ:

 

Տարիքի հարցը անկարեւոր տուեալ մը չէ: Փորձառութիւն ունենալու եւ ցանկացած ասպարէզին մէջ փայլուն փորձ ձգած ըլլալու, կառավարելու ունակութիւն ունենալու տուեալն ալ անհրաժեշտ տուեալ է, բայց եւ այնպէս Հայաստանի մէջ ընթացք առած այս նոր իրավիճակը «կը ցրէ» նախօրօք ընդունուած եւ հիմք դարձած բոլոր վարկածները:

Վարչապետ Փաշինեան իր այս կազմով վստահաբար կ'ուզէ «պատգամներ» տալ:

Նախ կը ջանայ իր իշխանութիւնը ամրապնդել, ապա «արդար» բաժին մը կու տայ, բոլոր անոնց, որոնք իր շարժումի առաջին օրէն «քայլ ըրին» իր հետ եւ մեծ ճիգեր թափեցին իրենց քայլը յաջողցնելու համար:

Ցանկացած իշխանափոխութեան պարագայի, շատ տրամաբանական է, որ «յաղթող» կողմը իշխանութեան հասնի բացառպէս իր պայմաններով եւ իր գործելաոճին յարիր մտայնութիւն ունեցողներով ու գործիչներով:

Այս մօտեցումը անշուշտ «գլասիք» յեղափոխութիւններու պարագային է, իսկ մեր մօտ կատարուած «թաւշեայ յեղափոխութիւն»ը կը գործէ եւ պէտք է գործէ բոլորովին այլ տրամաբանութեամբ:

 

Ի դէպ շատ տեղին պիտի ըլլար, որ Փաշինեան սփիւռքի նախարարութեան աթոռին համար նշանակէր սփիւռքահայ գործիչ մը, որ օժտուած պիտի ըլլար սփիւռքը «ներսէն» ճանչնալու ունակութեամբ: Ու շատ հաւանական է, որ Փաշինեան ինք եւս շատ լաւ գիտէ այդ մէկը ու սփիւռքի «նրբութիւններ»ը նկատի առնելով է, որ հրաժարեցաւ նման կարգադրութիւն մը իրականացնելէ:

Ամէն պարագայի տակ, այսօր Հայաստանի կառավարման համակարգը ու յատկապէս նորաստեղծ կառավարութիւնը տաս տարիով «կ'երիտասարդանայ»:

Այդ մէկը լաւ է, սակայն բաւարար չէ, որովհետեւ թարմ ու երիտասարդ աշխատանք կատարելու, գործելու, նոր ուղիներ բանալու ամէնէն էական տուեալը, ոչ թէ տարիքային տուեալն է, այլ երիտասարդ գաղափարները գործի վերածող մարդուժ ունենալու տուեալը:

Եւ յուսալի է, որ Փաշինեանն ու անոր գործակիցները, այս առաջին հիմունքը լրացնելով հանդերձ կ'ըլլան, ոչ միայն տարիքային «առաւելութիւն» ունեցող նախարարներ, այլ նաեւ խօսքը գործի վերածող կառավարութեան անդամներ:

 

Հատուկ ՀԱՅ ՁԱՅՆի համար

 


    Լրահոս
    Օրացույց
    Ամենաընթերցված
    Եկեղեցական օրացույց
    /