• USD 482.67
  • GBP 650.4
  • EUR 570.76
  • RUB 7.88
  • GEL 197.52
Մայիս 23, 2018
«Մեր կուսակցության նախաբանն է Ժողովրդին, ժողովրդով, ժողովրդի համար:

Այժմ ցանկանում եմ հայտարարել՝ այսուհետ մեր նախաբանն է Երիտասարդներին, երիտասարդներով, երիտասարդ Հայաստանի համար: Կեցցեք բոլորդ: Շուտով այնքան զորանանք, որ անցնենք Արաքսի մյուս ափին և Արարատ լեռը մյուս կողմից դիտենք: Գալիք տարի էլ հանդիպենք Վանում...»

Վարդան Նազիրյան, Հայաստանակենտրոն Ռամկավար Ազատական Կուսակցության Գերագույն Խորհրդի Ատենապետ

Հայաշխարհի ձայն, Լրահոս, Հայաստան
16.05.2018 | 11:32

Տեղի ունեցավ Թեքեյան մշակութային միության Հայաստանի և ԱՄՆ-ի ու Կանադայի կենտրոնական վարչությունների աշխատանքային հանդիպումը

Մայիսի 15-ին Երևանի Թեքեյան կենտրոնում տեղի ունեցավ Հայաստանի ու ԱՄՆ-ի և Կանադայի Թեքեյան մշակութային միության կենտրոնական վարչությունների անդամների հանդիպումը, որի ընթացքում քննարկվել է միության քաղաքականությունը և հետագա համատեղ գործունեությունը:

 

Հայաստանի  Թեքեյան միությունից հանդիպմանը մասնակցում էին նախագահ Ռուբեն Միրզախանյանը, միության անդամներ Արմեն Էլբակյանը, Վահագն Հասմիկյանը, Գուրգեն Գևորգյանը, Ստեփան Ստեփանյանը, Արա Հակոբյանը,  Սերգեյ Վարդանյանը, Հարություն Խաչատուրյանը  և գործադիր տնօրեն Գայանե Մուրադյանը:

ԱՄՆ և Կանադայի Թեքեյան Մշակության միության անունից ներկա էին նախագահ Էդմոնդ Ազատյանը, Հակոբ Վարդիվառյանը, Գևորգ Մարաշլյանը, Գևորգ Քյուշքերյանը, Սիլվա Քյուշքերյանը և գործադիր տնօրեն Արամ Արքունը:

 

 

Պարոն Ազատյանը հանդես եկավ բացման խոսքով՝ անդրադառնալով Հայաստանի ԹՄՄ-ի վերջին 20 տարիների ընթացքում ծավալած ակտիվ գործունեությանը: Վերջինս նշեց, որ «մենք պետք է ակտիվացնենք սերտ հարաբերությունները և ավելի կարևորենք երիտասարդներին»:

Պարոն Միրզախանյանը ողջունեց հյուրին և իր հերթին ընդգծեց, որ անհրաժեշտ է կազմակերպել ինչպես Հայաստանում, այնպես էլ Սփյուռքում ընդհանուր հետաքրքրություն ունեցող գործունեություն:

 

Խորհրդի անդամները կազմեցին համատեղ գործողությունների հնարավոր առաջարկությունները:

 



    Լրահոս
    ՌԱԿ
    ՌԱԿ պատվիրակությունը հանդիպել է ՀՀ նախագահ Արմեն Սարգսյանի հետ
    Օրացույց
    Ամենաընթերցված
    Եկեղեցական օրացույց
    /