• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 21, 2018
Նոր Հայաստանը պետք է լինի հաղթանակների Հայաստան

ՀՀ նախագահ Արմեն Սարգսյան

Աշխարհի ձայն, Լրահոս
17.05.2018 | 10:45

Գլենդելում հայ ոստիկանը մեղադրվում է մեքսիկական բանդաներին օգնելու մեջ

Գլենդելի ոստիկանության թմրամիջոցների դեմ պայքարի բաժնի աշխատակից Ջոն Բալյանը մայիսի 15-ին ձերբակալվել է իր տանը՝ դաշնային քննիչներին կեղծ տեղեկություններ հաղորդելու կասկածանքով: 

Քննիչների ցուցմունքների համաձայն, Բալյանը թաքցրել է Հարավային Քալիֆորնիայում իր կապերը մեքսիկական մաֆիայի եւ կազմակերպված հանցավորության հետ:

«Բալյանը ոչ միայն ճանաչել է լատինամերիկյան բանդաների անդամներին, այլեւ գրագրություն է ունեցել նրանց հետ, տրամադրել է նախապես վճարված բջջային հեռախոսներ, անձամբ է հանդիպել նրանց հետ»,-նշված է ցուցմունքներից մեկում:

Բալյանը կասկածվում է նաեւ բանդաներին շուրջկալների մասին նախապես տեղեկացնելու մեջ:

Մի դեպքում ինֆորմատորը նկարագրել է մի իրավիճակ, երբ Բալյանը տեղյակ է պահել բանդայի անդամներին ՀԴԲ աշխատակիցների այցի մասին, ինչը հնարավորություն է տվել մեքսիկական բանդայի գլխավոր թիրախին հեռանալ՝ նախքան գործակալները հաջորդ առավոտյան կժամանեին տվյալ վայր: Վկան իր ցուցմունքում ներկայացրել է Բալյանի խոսքը. «Ասա քո Բունչերին, որ ինքը համար մեկն է առավոտվա ցուցակում»:

Մայիսի 15-ի երեկոյան Գլենդելի ոստիկանապետը նշել է, այդ փաստերը ներկայացնում Գլենդելի ոստիկանության կամ մեր հասարակության դավանած արժեքները. «Դրանք նաեւ չեն ներկայացնում այն արժեքները, որոնք մեր սպաները ամեն օր ներկայացնում են մեր համայնքին ծառայություն մատուցելու գործում»:

Քննիչները նշել են, որ Բալյանը 2017 թվականին 6 ամսվա ընթացքում մի քանի անգամ հարցաքննվել է եւ բազմիցս ստել է:


    Լրահոս
    Անկախության օր
    Անկախության օգտին մենք քվեարկել ենք ազգովի ու պատասխանատվությունն էլ պարտավոր ենք կրել ազգովի
    Օրացույց
    Ամենաընթերցված
    Եկեղեցական օրացույց
    /