• USD 482.67
  • GBP 650.4
  • EUR 570.76
  • RUB 7.88
  • GEL 197.52
Մայիս 23, 2018
«Մեր կուսակցության նախաբանն է Ժողովրդին, ժողովրդով, ժողովրդի համար:

Այժմ ցանկանում եմ հայտարարել՝ այսուհետ մեր նախաբանն է Երիտասարդներին, երիտասարդներով, երիտասարդ Հայաստանի համար: Կեցցեք բոլորդ: Շուտով այնքան զորանանք, որ անցնենք Արաքսի մյուս ափին և Արարատ լեռը մյուս կողմից դիտենք: Գալիք տարի էլ հանդիպենք Վանում...»

Վարդան Նազիրյան, Հայաստանակենտրոն Ռամկավար Ազատական Կուսակցության Գերագույն Խորհրդի Ատենապետ

Հայաշխարհի ձայն, Լրահոս, Արցախ
17.05.2018 | 19:35

Արցախում նախատեսվում են միջոցառումներ՝ նվիրված Թանգարանների միջազգային օրվան

Թանգարանների միջազգային օրվա առթիվ մայիսի 18-ին` ժամը 10:00-18:00-ին, և մայիսի 19-ին՝ ժամը 18:00-24:00-ին, «Տիգրանակերտ» և «Տողի մելիքական ապարանք» պետական պատմամշակութային արգելոցներում հայտարարվում է բաց դռների օր:

Այս մասին «Արցախպրես»-ին տեղեկացրին ԱՀ մշակույթի, երիտասարդության հարցերի և զբոսաշրջության նախարարության «Պատմական միջավայրի պահպանության պետական ծառայություն» ՊՈԱԿ-ից՝ հավելելով, որ մայիսի 18-ին, ինչպես բազմաթիվ երկրներում, Արցախում ևս նշվելու է Թանգարանների միջազգային օրը, իսկ մայիսի 19-ին տեղի է ունենալու «Թանգարանային գիշեր» միջոցառումը:

Աղբյուրի հաղորդմամբ՝ մայիսի 19-ին «Թանգարանային գիշեր» միջացառման շրջանակներում «Պատմական միջավայրի պահպանության պետական ծառայության» մի շարք արգելոցներում նախատեսվում են տարբեր միջոցառումներ:

Մասնավորապես՝ «Տիգրանակերտ» պետական պատմամշակութային արգելոցում այցելուները կծանոթանան թանգարանի մշտական ցուցադրությանը, կվայելեն կենդանի դասական երաժշտություն և, իհարկե, կհամտեսեն Տիգրանակերտի ավանդական տաք թեյը:

«Տողի մելիքական ապարանք» պետական պատմամշակութային արգելոցում այցելուներին կներկայացվեն 2017թ.-ին Տողի Սբ. Հովհաննես եկեղեցու հարավային տապանաբակում տեղի ունեցած հնագիտական պեղումների ընդհանուր արդյունքները և թանգարանի նորացված ցուցադրությունը: Միջոցառումների սկիզբը կլինի 19:00-ին:

Նշենք, որ օրվան նվիրված միջոցառումների համար այս տարի ԻԿՕՄ-ի (Թանգարանների միջազգային խորհուրդ) կողմից ընտրվել է «Գերհաղորդակցվող թանգարաններ. նոր մոտեցումներ, նոր հանրույթներ» խորագիրը:



    Լրահոս
    ՌԱԿ
    ՌԱԿ պատվիրակությունը հանդիպել է ՀՀ նախագահ Արմեն Սարգսյանի հետ
    Օրացույց
    Ամենաընթերցված
    Եկեղեցական օրացույց
    /