• USD 482.02
  • GBP 634.24
  • EUR 557.5
  • RUB 7.59
  • GEL 195.94
Հունիս 20, 2018
Իշխելու համար իմաստություն է պետք

Իշխանների համար ավելի կարևոր է հարստանալ իմաստությամբ ու առաքինությամբ, քան մեծագանձ ճոխությամբ, իսկ ով չգիտի իր կրքերի վրա իշխել, չի կարող ուրիշներին իշխան լինել:                                 

                                             ՊՈՂՈՍ ՊԱՏՐԻԱՐՔ ԱԴՐԻԱՆՈՒՊՈԼՍԵՑԻ

Հայաշխարհի ձայն, Լրահոս, Մեր ձայնը, Խմբագրական, Հայաստան
05.06.2018 | 21:53

Ռամկավար Ազատական կուսակցության հայտարարությունը Արցախի վերջին իրադարձությունների առթիվ

Ռամկավար Ազատական կուսակցությունը իր մտահոգությունն է հայտնում Արցախում ստեղծված իրավիճակի՝ շարունակվող ցույցերի ու պաշտոնաթողության պահանջների կապակցությամբ:

Արցախը ռազմավարական-անվտանգային գերկարևոր նշանակություն ունի Հայաստանի ու հայ ժողովրդի համար, այստեղով է անցնում Ադրբեջանի հետ շփման՝ ռազմաճակատային գծի կարևորագույն մասը, որը պահպանվում է հայկական ուժերի կողմից: Հանդարտությունը և խոհեմությունը երկրորդ հայկական հանրապետության տարածքում կարևոր նշանակություն ունի իրավիճակի՝ ռազմաքաղաքական հավասարակշռության պահպանման և սահմանային գծում խաղաղության պահպանման համար.

ՌԱԿ Կենտրոնական վարչությունը և Գերագույն խորհուրդը կոչ են անում ստեղծված իրավիճակը հանգուցալուծել հնարավորինս արագ բանակցությունների միջոցով՝ Արցախի նախագահ Բակո Սահակյանի գլխավորությամբ: ՌԱԿ-ը կոչ է անում չտրվել սադրանքների ու չդիմել անխոհեմ քայլերի, ինչը կվտանգի թե՛ Արցախին, թե՛ ՀՀ-ին և թե՛ սահմանին կանգնած հայ զինվորի կյանքը:

ՌԱԿ-ը միաժամանակ հայտարարում է, որ կուսակցություն այս պահին չունի ներկայացուցչություն Ստեփանակերտում, և կուսակցության անունից հանդես եկող ցանկացած փորձ գնահատում է որպես սադրանք ուղված իրավիճակի ապակայունացմանը:

 

 

05.06.2018 թ.

 

 

Ռամկավար Ազատական Կուսակցութիւն

 

 

Գերագոյն Խորհուրդ

Ատենապետ 

Վարդան Նազիրեան

 

 

Կեդրոնական Վարչութիւն

 

Ատենապետ

Յակոբ Աւետիքեան

 



    Լրահոս
    Օրացույց
    Ամենաընթերցված
    Եկեղեցական օրացույց
    /