• USD 482.02
  • GBP 634.24
  • EUR 557.5
  • RUB 7.59
  • GEL 195.94
Հունիս 20, 2018
Իշխելու համար իմաստություն է պետք

Իշխանների համար ավելի կարևոր է հարստանալ իմաստությամբ ու առաքինությամբ, քան մեծագանձ ճոխությամբ, իսկ ով չգիտի իր կրքերի վրա իշխել, չի կարող ուրիշներին իշխան լինել:                                 

                                             ՊՈՂՈՍ ՊԱՏՐԻԱՐՔ ԱԴՐԻԱՆՈՒՊՈԼՍԵՑԻ

Գլխավոր լուր, Հոդվածներ, Լրահոս
06.06.2018 | 16:03

Իրանցիք կը պատրաստուին «լքել» Սուրիան... Ի՞նչ է պատճառը

Սուրիոյ մէջ տեղակայուած իրանեան ուժեր մտադիր են հեռանալ եւ լքել իրենց զինուորական խարիսխները։ Այս մասին առաջին անգամ լրատուութիւնը կատարուեցաւ ռուսական պարբերականներու կողմէ, որոնք նաեւ կը յայտնէին, որ իրանեան «մասնայատուկ ջոկատներ»ուն Սուրիայէն հեռացումը կապ ունի որոշ պայմանաւորուածութիւններու հետ։

Ռուսական աղբիւրները գոհացած էին այսքանով։

Գաղտնիք չէ, որ սուրիական խնդրին ներկայ փուլին եւ գետնի վրայ կատարուող գործընթացներուն մէջ ամէնէն աւելի ազդեցիկ դեր ստանձնած են ռուսները։

Այդ մէկը միայն ռազմական հարթակին վրայ գրանցուած զարգացումներուն հետ կապ չունի այլ բնականաբար Մոսկուայի ցուցաբերած քաղաքական հետաքրքրութեանց եւ այդ առումով ալ կատարուած «ներքին» շփումներուն հետ։ Այս բոլորէն բացի վերջին շրջանին Սուրիոյ հարցերով զբաղուող վերլուծաբաններուն համար բաւական ուշագրաւ էր Թէլ Աւիւ- Մոսկուա մերձեցումը, որուն առաջին նախանշանը պայմանաւորուեցաւ Իսրայէլի վարչապետ Բենիամին Նաթանիահույի անցեալ մայիսին Ռուսաստան տուած այցելութեամբ, որմէ ետք ալ Նաթանիահույի մօտիկ աղբիւրներ

լայն անդրադարձ կատարեցին Նաթանիահու- Փութին այցելութեան մասին ու նաեւ պարզեցին, որ Մոսկուա յառաջիկայ փուլին չի պատրաստուիր Սուրիան օժտել S-400 հրթիռային համակարգերով։

Սա ինքնին աւելի քան զգայացունց լուր էր, եթէ հաշուի առնենք նման լուրի մը թայմինկը եւ անոր աւելցնենք անցեալ փետրուարին իսրայէլեան օդուժին պատկանող F-16 կործանիչին խոցուիլը սուրիական երկինքին մէջ։

Այս բոլորէն անդին անշուշտ կար Կոլանը հարուածելու իրադրութիւնը, որ կատարուած էր իրանեան ուժերու կողմէ, որուն մասին սակայն իրանցիք նախընտրեցին լռութիւն պահպանել։

 

Ռուսաստանի համար ուրեմն ընթացք առած է նոր փուլ մը, որ կը նշանաւորուի Իսրայէլ-Սուրիա

«ճակատ»ին սառեցմամբ եւ այդ առումով ալ ամէնէն առաջնային գործը պէտք է ըլլայ իրանեան կողմէն զիջումներ ստանալու խոստումը։

 

Ի դէպ առաջին անգամը չէ, որ կը խօսուի Մոսկուա-Թեհրան «լուռ» տարակարծութեան մասին, որուն հիմնական «դաշտ»ը Սուրիան է։ Այս բոլորէն անդին անշուշտ Թեհրան լաւապէս կը հասկնայ, որ ներկայ պահու դրութեամբ երբ «Կորիզային թղթածրար»ի խնդրով ենթակայ է բաւական լուրջ ճնշումներու անհնար ու նոյնիսկ վտանգաւոր է սրել իր ռազմավարական յարաբերութիւնները Մոսկուայի հետ։

 

 

Չպէտք է անտեսել նաեւ այն փաստը, որուն համաձայն Մոսկուա իրանեան «կարեւոր» խարիսխներու դատարկումով «ձեռք պիտի ձգէ» այլ կարեւոր խաղաքարտ մը։

 

Այդ խաղաքարտը ամերիկեան ուժերու «Ալ թանաֆ» ռազմակայանէն հեռանալու տուեալն է, որ իրականութիւն կրնայ դառնալ յառաջիկայ շաբաթներուն։

Ու եթէ այդ մէկը իրականութիւն դառնայ ապա յստակ կը դառնայ, որ Մոսկուա Սուրիա-Իսրայէլ «ճակատ»ին սառեցման դիմաց ճանապարհ պիտի հարթէ ամերիկեան մասնայատուկ ջոկատներուն հեռացումը Սուրիոյ հիւսիսային շրջաններէն:

 



    Լրահոս
    Օրացույց
    Ամենաընթերցված
    Եկեղեցական օրացույց
    /