• USD 483.02
  • GBP 614.45
  • EUR 546.97
  • RUB 7.23
  • GEL 184.53
Օգոստոս 15, 2018
Զա՛րկ, Արցախ

 Ուրեմն, զա՛րկ, Արցախ,
Զա՛րկ, իմ զարմանալիդ...
Չկա ուրիշ հնար և ուրիշ ելք չկա,
Քանզի ոսոխը քո՝ այդ քոչվորը վայրի
Այդ լեզուն է միայն, որ հասկանում ճշտիվ
Եվ այդ լեզվից է լոկ, որ փոխվում է կրկին
Խուճապահար հոտի...

 ՎԱՀԱԳՆ ԴԱՎԹՅԱՆ

Գլխավոր լուր, Հոդվածներ, Լրահոս, Մեր ձայնը
08.06.2018 | 16:06

Արշակ Չոպանյանի գործունեությունը՝ որպես ՌԱԿ անդամ

«Չօպանեան չէ դադրած հայկական դատին համար ամէն պարագաներու մէջ պայքարել».

Պողոս Նուբար

 

Ներհուն մտավորական, հրապարակախոս, գեղագետ բանաստեղծ և քաղաքական նվիրյալ գործիչ, ՌԱԿ անդամ Արշակ Չոպանյանը, ով արժանացել է հայ մշակույթի դեսպան պատվանունին, հայ դատի պաշտպանությանն ուղղված բազում աշխատանքներ է տարել:

Ռամկավար Ազատական կուսակցության սկզբնավորումից ի վեր Արշակ Չոպանյանը հարել է կուսակցությանը, և շուտով՝ 1926 թ. Չոպանյանը ընտրվում է ՌԱԿ Կենտրոնական վարչության ատենապետ (1926-1929):

Որպես կուսակցության ատենապետ, նա 9 ամսով մեկնում է ԱՄՆ կուսակցության կազմակերպական նպատակներով և հաջողվում է ձեռնարկած գործում: Վերջինս նաև ծավալում է մշակութային գործունեություն՝ մի շարք համալսարաններում դասախոսություններ կարդալով: Սրան զուգահեռ՝ զբաղվում է 1927թ. Լենինականի երկրաշարժի օգտին նվիրատվությունների հանգանակման աշխատանքներով, որին ՌԱԿ-ը մասնակցում էր իր ամբողջ ներուժով:

Չոպանյանի նախաձեռնությամբ Բոստոնում հիմնվում է «Երևան» երիտասարդական ակումբը, իսկ ԱՄՆ-ից վերադառնալուց հետո Չոպանյանը մամուլում հրատարակում է կուսակցության ապագային վերաբերող իր մտքերը:

1931թ.-ի օգոստոսին գումարվում է ՌԱԿ Ե ընդհանուր պատգամավորական ժողովը, որի ընթացքում Արշակ Չոպանյանը ընտրվում է կուսակցության Կենտրոնական վարչության անդամ, Հրաչ Երվանդի ատենապետությամբ: Չոպանյանը 2 անգամ մաս է կազմել Փարիզի ՌԱԿ «Ապագա» քաղաքական, հասարակական և գրական եռօրյայի խմբագրական մարմնին:  

 

Աղբյուրը՝ Հ. Վարդիվառյանի «Մեծ երազի ճամբուն ուղեւորները»

 

 բազմահատորյակ

 



    Լրահոս
    Օրացույց
    Ամենաընթերցված
    Եկեղեցական օրացույց
    /