• USD 483.14
  • GBP 613.68
  • EUR 549.86
  • RUB 7.16
  • GEL 187.41
Օգոստոս 19, 2018
Հայությանը միավորողը ազգային սերն է

Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ

Րաֆֆի

Գլխավոր լուր, Հոդվածներ, Լրահոս
12.06.2018 | 17:05

Լիբանանի խորհրդարանը… եւ «Հըզպալլա»ն

Օրեր առաջ զօր. Քասէմ Սուլայմանէի կատարած յայտարարութիւնը բողոքի ալիք ստեղծեց Լիբանանի ոչ– շիիթ շրջանականերուն մօտ։

 

 

 

 

Սուլայմանի, որ կը համարուի Իրանի զինուորական խաւի ամէնէն ազդեցիկ գործիչներէն մին հանդիպման մը ընթացքին կը յայտարարէր, որ անցեալ մայիսին կայացած ընտրութիւններէն ետք Լիբանան վերածուած է «դիմադրող պետութեան» մը եւ այդ փաստը մեծապէս գոհ կը ձգէ իրանեան մարմինները։

 

 

Իրանցի առաջնորդը, որ իր առաջնորդած «Ալ Քուտս» փաղանգին հետ կարեւոր ներկայութիւն եղած է մասնաւորապէս Սուրիոյ մէջ մղուած ռազմական գործողութիւններուն նոյնիսկ կը խօսէր թիւերու «լեզուով»։ Ան բացայայտ կերպով կը յայտարարէր, որ 128 երեսփոխան հաշուող լիբանանեան խորհրդարանին մէջ իրենց կատարած հաշուարկներով «Հըզպալլա»ի «հետեւորդ» համարուող երեսփոխաններուն թիւը կը հասնի 74-ի եւ այդ մէկը իրենց համար մեծագոյն յաղթանակ կը համարուի։

 

 

Եղած յայտարարութիւնը բնականաբար բողոքի ալիք կը բարձրացնէր Պէյրութի մէջ։ Այս խօսքերուն առաջին ընդդիմացողը կ՚ըլլար երկրի վարչապետ Սաատ Հարիրին, որ արագօրէն կը հակազդէր Սուլայմանիի խօսքերուն եւ անուղղակի կերպով անոր պատասխան տալով եւ Իրանին ակնարկելով կ՚ըսէր ՝ «Ոմանք պարտուեցան Իրաքի մէջ եւ իրենց պարտութիւնը կ՚ուզեն այդ կերպ արդարացնել յայտարարելով, որ Լիբանանի մէջ յաղթանակ տարին, բայց իրականութեան մէջ այդպէս չէ»։

 

Ինչքան ճիշդ էր Հարիրիի խօսքը կամ ինչ հիմունքներ ունենալով, է, որ ան կը փորձէր «հերքել» կամ սուտ հանել Զօր. Սուլայմանիի խօսքը ցարդ պարզ չէ։ Ժամանակն է , որ ցոյց պիտի տայ, որ երկրի քաղաքական գլխաւոր ամպիոնին ՝ խորհրդարանին մէջ «Հըզպալլա»ն իրապէս «որոշող» ուժ է կամ ոչ։

 

Վերադառնալով թուային պատկերին ապա պէտք է ըսել, որ այն պատգամաւորներու թիւը, որոնց մասին ակնարկութիւն կատարեց զօր. Սուլայմանին դժուարութեամբ «ի մի բերուող» երեսփոխաններու թիւ մը չէ։ Այսինքն, եթէ հաշուի առնենք «Հըզպալլա»-«Ամալ» «Շիիթ երկեակ» անունով յայտնի դաշինքը եւ նախագահ Աունի «Ուժեղ Լիբանան» («Ազգային

ազատ հոսանք» կուսակցութիւն) պլոքի անդամներուն ընդհանուր թիւը ապա խորհրդարանին մէջ կ՚ունենանք 60 երեսփոխաններ։ Ուրեմն Սուլայմանիի տուած թիւը շատ ալ հեռու չէ խորհրդարանին մէջ գոյացած ընդհանուր պատկերէն, որուն հիմքը անշուշտ նախագահ Աունի եւ «Հըզպալլա»ի շուրջ տաս տարիներ առաջ կնքուած դաշինքն է, որ ի զօրու է այս օրերուն ալ։

 

Խնդիրն այն է, որ Լիբանանի նախագահը, որ իշխանութեան գլուխ կը հասնէր մանաւանդ սիւննի իր գործընկերոջ ՝ Սաատ Հարիրիի, հետեւաբար նաեւ Սէուտական Արաբիոյ նեցուկով «յարմար» պիտի համարէ՞ Սուլայմանիի այս յայտարարութիւնը։

Կամ թէ, «վրդովմունք» պիտի արտայայտէ իրանցի բարձաստիճան ղեկավարին խօսքերուն վերաբերեալ։

 

Իրան կարեւոր գրաւ դրած է Լիբանանի իր «ձեռնասուն» համարուող «Հըզպալլա»ին վրայ ու շատ բնական է, որ շրջանային ընդհանուր հաւասակշռութիւններու եւ տեղի ունեցող գործընթացներու վերաբերեալ իրանցիք ամէն ճիգ պիտի գործադրեն պահպանելու համար այդ երկրին մէջ իրենց ունեցած քաղաքական-ապահովական ձեռքբերումները, որոնք անշուշտ փոխառնչուած են Եէմէնի եւ Սուրիոյ մէջ երեւելի դարձած իրանեան «յաղթանակ»ներով։

 

 

Ամէն պարագայի տակ, ու հակառակ լիբանանեան կարգ մը կողմերու «Հըզպալլա»ի հանդէպ ունեցած թշնամական մօտեցումներուն բացայայտ սկսած է դառնալ, որ երկիրը ահաբեկչութենէն հեռու պահող եւ ներքին անդորրը ապահովող հիմնական ուժը շիիթ «Հըզպալլա»ն է, ինչքան ալ անոր ունեցած զէնքը համարուի «ոչ օրինական» եւ անընդունելի զէնք մը:


    Լրահոս
    Հայ եկեղեցի
    Խմբի գործողություններն ուղղված են ոչ միայն Հայոց Կաթողիկոսի դեմ, այլև ընդհանրապես՝ Եկեղեցու դեմ
    Օրացույց
    Ամենաընթերցված
    Եկեղեցական օրացույց
    /