• USD 482.19
  • GBP 640.83
  • EUR 561.8
  • RUB 7.64
  • GEL 196.01
Հունիս 24, 2018
Մեսրոպ Մաշտոցի թարգմանած առաջին նախադասությունը

  «Ճանաչել զիմաստութիւն եւ զխրատիմանալ զբանս հանճարոյ»

Լրահոս, Հայաստան
12.06.2018 | 14:38

Բարձրաստիճան հոգևորականներն ունեն քաջություն՝ եկեղեցու պատերից ներս բարձրաձայնելու իրենց մտահոգությունները

Այսօր մամուլում սկսեցին շրջանառվել լուրեր, թե Ամենայն Հայոց Կաթողիկոս Գարեգին Բ-ի դեմ կազմակերպվող բողոքի ալիքի հետևում կանգնած են բարձրաստիճան հոգևորականներ, այդ թվում՝ Արարատյան հայրապետական թեմի առաջնորդ Նավասարդ Կճոյանը և Շիրակի թեմի առաջնորդ Միքայել Աջապահյանը:

Մայր Աթոռ Ս. Էջմիածնի դիվանապետ Տ. Արշակ եպիսկոպոս Խաչատրյանը, անդրադառնալով շրջանառվող լուրերին, համոզմունք հայտնեց, որ նման բան լինել չի կարող: «Ես համոզված եմ՝ ելնելով այն նկատառումից, որ եկեղեցականները, առավել ևս բարձրաստիճան եկեղեցականները, եթե անգամ ունեն մտագոհություններ և հուզող խնդիրներ, իրենք ունեն նաև քաջություն և բավարար պատասխանատվություն՝ բարձրաձայնելու իրենց մտահոգությունները: Եվ այնպես չէ, որ նման բարձրաձայնումներ չեն եղել: Մեր համապատասխան ատյաններում կատարված հանդրիպումների ժամանակ քննարկման առարկա են դարձել բազմաթիվ խնդիրներ»,- հայտարարեց Մայր Աթոռ Ս. Էջմիածնի դիվանապետը:

Տ. Արշակ եպիսկոպոս Խաչատրյանն ընդգծեց, որ իր համար կարևոր չի՝  գործընթացի հետևում կանգնած են այլ ուժեր, թե ոչ. «Կարևոր է այն, որ դարեր շարունակ ինչ որ փորձել են անել մեր թշնամիները՝ տկարացնել ու հեղինակազրկել մեր եկեղեցին, այսօր փորձում են կատարել մի խումբ հայ մարդիկ: Անկախ նրանից, թե ով  է կանգնած դրա հետևում, դա մերժելի ու դատապարտելի է»:


    Լրահոս
    Օրացույց
    Ամենաընթերցված
    Եկեղեցական օրացույց
    /