• USD 483.14
  • GBP 613.68
  • EUR 549.86
  • RUB 7.16
  • GEL 187.41
Օգոստոս 19, 2018
Հայությանը միավորողը ազգային սերն է

Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ

Րաֆֆի

Գլխավոր լուր, Հոդվածներ, Լրահոս, Մեր ձայնը, Խմբագրական
13.06.2018 | 14:46

Տիգրան Բոյաջյան

Տիգրան Բոյաջյանը ծնվել է 1895թ․-ի հունիսի 25-ին Արմտանում, այնուհետև 1910թ․-ին գաղթել է ԱՄՆ՝ ազգականների մոտ։ 6 տարեկան հասակից բնակվել է առանձին։ Բոյաջյանը աշխատանքի է անցնում «Ազգ» թերթում որպես գրաշար։ Այնուհետև սկսած 1913թ․-ից Բոյաջյանը հաճախում է երկրորդական վարժարան, իսկ արդեն 1916թ․-ին ընդունվում է «Բրաուն» համալսարան, որից հետո ուսումը շարունակում Բոստոնի համալսարանում և ստանում «Պսակավոր արվեստից» վկայական։

1917թ․-ին որպես կամավոր մասնակցում է Արևելյան լեգեոնի գործողություններին, որն ավելի ուշ վերանվանվում է Հայկական լեգեոն։ Կռվել է ֆրանսիական բանակի կազմում՝ Պաղեստինի ճակատում։ Պատերազմից հետո մնում է Կիլիկիայում և կազմակերպում հայ գաղթականներին հատկացվող օգնությունը։ Զինվորական ծառայությունը թողնում է 1919թ․-ին և արդեն հոկտեմբերից վերադառնում Բոստոն, որտեղ ևս նվիրվում է կիլիկիահայության օգնության գործին։ Դժբախտաբար, քեմալական շարժումն ու ֆրանսիացիների երկդիմի քաղաքականությունը ի չիք են դարձնում Տիգրանի բոլոր նպատակները։

1920թ․-ին Բոյաջյանն ընդունվում է Նորթվեստերնի համալսարան և արդեն 1924թ․-ին ավարտում վերջինիս իրավաբանական բաժինը և դառնում փաստաբան։ Հաջորդ տարում ստանում է նույն համալսարանի մագիստրոսի աստիճան։

Երիտասարդ տարիքից սկսած անդամագրվում է Վերակազմյալ հնչակյանների ազատական թևին, ապա՝ Ռամկավար Ազատական կուսակցությանը։ Անդամակցել է նաև ՀԲԸՄ-ին և հատկապես վերջինիս կենտրոնական վարչությանը։ Պատասխանատու պաշտոններ է զբաղեցրել Հայաստանի եկեղեցիների թեմական կառույցներում՝ ներկայացնելով Ամերիկայի թեմը Ազգային ժողովին։ Իր 4 սիրելի կազմակերպություններում ստանձնել է ղեկավար պաշտոններ։

Բոյաջյանը աշխատակցել է Բոստոնի «Ազգ» և «Պայքար», ինչպես նաև անգլերեն լեզվով լույս տեսնող «THE ARMENIAN MIRROR-SPECTATOR» թերթերին։ 1965թ․-ին «Պայքար»-ում լույս է տեսնում իր «Հայկական լեգեոն» պատմական հուշագրությունը՝ Միհրդատ Թիրյաքյանի առաջաբանով։ Այնուհետև՝ 1972թ․-ին Նյու Ջերսիում լույս է տեսնում իր «Armenia: The Case for a Forgotten Genocide» (Հայաստան․ Մոռացված ցեղասպանության հարցը) աշխատությունը, որտեղ հավաքել էր հավաստի աղբյուրներից ստացած բազմաթիվ փաստատթղթեր և ներկայացրել անասելի ոճրագործության նախապատմությունը, միևնույն ժամանակ՝ ապացուցել, որ այդ ամենի պատասխանատուն թուրքական կառավարությունն է և վերջինիս դաշնակից Գերմանիան։

Անգլերեն է թարգմանել Եղիշեի պատմական երկը՝ «Հայոց ճակատամարտը ընդդեմ պարսիկների» խորագրի ներքո։

Տիգրան Բոյաջյանը մահացել է 1985թ․-ին Ուոթերթաունում (Watertown)։

 

Քաղված պատմաբան Հակոբ Վարդիվառյանի «Մեծ Երազի Ճամբուն Ուղեւորները» բազմահատորյակից



    Լրահոս
    Հայ եկեղեցի
    Խմբի գործողություններն ուղղված են ոչ միայն Հայոց Կաթողիկոսի դեմ, այլև ընդհանրապես՝ Եկեղեցու դեմ
    Օրացույց
    Ամենաընթերցված
    Եկեղեցական օրացույց
    /