• USD 483.14
  • GBP 613.68
  • EUR 549.86
  • RUB 7.16
  • GEL 187.41
Օգոստոս 19, 2018
Հայությանը միավորողը ազգային սերն է

Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ

Րաֆֆի

Հայաշխարհի ձայն, Լրահոս, Հայաստան
13.06.2018 | 23:32

Չինական ընկերությունը հետաքրքրված է Հայաստանի ճանապարհաշինական ծրագրերով

ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը հունիսի 12-ին ընդունեց Չինաստանի երկաթուղային ընկերության N3 ինժեներական խմբի պատվիրակությանը՝ միջազգային կապերի ղեկավար Շենգ Դուի գլխավորությամբ։

 

Ներկայացնելով կազմակերպության գործունեությունը` Շենգ Դուն տեղեկացրեց, որ այն  Չինաստանի ամենամեծ շինարարական կազմակերպությունն է: Ունեն մոտ 300 հազար աշխատող, մասնագիտացած են ճանապարհաշինության, թունելների կառուցման ոլորտում: Նա նշեց, որ ցանկություն ունեն ներգրավվելու Հայաստանում իրականացվող ճանապարհաշինական ծրագրերում, մասնավորապես՝ «Հյուսիս-հարավ ճանապարհային միջանցքի ներդրումային ծրագրի» որևէ հատվածի շինարարության աշխատանքներում։

 

Աշոտ Հակոբյանը նշեց, որ պատրաստակամ են համագործակցության, փորձառու կազմակերպությունն ունի բոլոր հնարավորությունները՝ մասնակցելու առաջիկայում հայտարարվելիք ճանապարհաշինական մրցույթներին։ 

 

Հանդիպման ընթացքում քննարկվեցին հնարավոր համագործակցության մի քանի տարբերակներ։ Չինական շինարարական կազմակերպության ներկայացուցիչներին ներկայացվեցին Հյուսիս - հարավ ճանապարհային միջանցքի կառուցման, մասնավորապես, Սիսիան - Քաջարան հատվածի շինարարության առանձնահատկությունները։ Նշվեց, որ մի քանի կազմակերպություններ հետաքրքրված են այդ հատվածի շինարարությամբ, և չինական ընկերությունը ցանկության դեպքում նույնպես կարող է մասնակցել այդ ճանապարհահատվածի շինարարության համար հայտարարվող մրցույթին։

 

Պայմանավորվածություն ձեռք բերվեց քննարկումները շարունակել ծրագրի մանրամասներն առավել մանրամասն ուսումնասիրելուց հետո։


    Լրահոս
    Հայ եկեղեցի
    Խմբի գործողություններն ուղղված են ոչ միայն Հայոց Կաթողիկոսի դեմ, այլև ընդհանրապես՝ Եկեղեցու դեմ
    Օրացույց
    Ամենաընթերցված
    Եկեղեցական օրացույց
    /