• USD 483.03
  • GBP 617.31
  • EUR 550.85
  • RUB 7.23
  • GEL 184.54
Օգոստոս 14, 2018
Աստված այնքան սիրեց աշխարհը…

  Աստված այնքան սիրեց աշխարհը, որ մինչև իսկ իր միածին Որդուն տվեց, որպեսզի ով նրան հավատում է, չկորչի, այլ ընդունի հավիտենական կյանքըորովհետև Աստված իր Որդուն չուղարկեց աշխարհ, որ դատապարտի աշխարհը, այլ՝ որպեսզի աշխարհը նրանով փրկվի

ԱՍՏՎԱԾԱՇՈՒՆՉ (Հովհ. 3)։

Հայաշխարհի ձայն, Լրահոս, Հայաստան
14.06.2018 | 15:50

Հրազդանում ծխի արտանետումներ են. բնապահպանն ահազանգում է, տեսչականից՝ մեկնաբանում

Հեղինակ՝ ԱԿԱԹԻ ՎԱՀԱՆՅԱՆ

Հրազդան քաղաքը հայտնվել է ծխային արտանետումների տակ: Այս մասին Հրազդանի բնակիչներն ահազանգել են  «Հանուն Հրազդանի» ֆեյսբուքյան խմբումԲնակիչները տեսանյութ և լուսանկարներ էին տարածել, որտեղ երևում է, թե գործարանի խողովակների արտանետումներից ինչպես են  ծխի ամպեր գոյանումՀԱՅ ՁԱՅՆ-ը կապ հաստատեց ՀՀ բնապահպանության և ընդերքի տեսչական մարմնի մամուլի քարտուղար Վրույր Պեպանյանի հետ՝ տեղեկանալու, թե տեսչական մարմինն ինչ քայլեր է ձեռնարկել այս խնդրի կապակցությամբ


«Երկար ժամանակ գործարանը չի աշխատել, և երբ վերսկսել են աշխատանքը, նման դեպք է տեղի ունեցելԴա տևել է ընդամենը մեկ ժամ: Գործարանից տեղեկացրել են նաև, որ առաջիկա օրերին գործարանի աշխատանքը կրկին կդադարի»,- տեղեկացրեց  Վրույր Պեպանյանը, հավելելով, որ այս պահին ծխի վերաբերյալ ահազանգ չունեն:

Հարցին, թե տեսչական մարմինը դեպքի հետ կապված  տեղում ստուգումներ չի՞ արել, Պեպանյանն ասաց՝ ոչ, բայց եթե շարունակվի, քայլեր կձեռնարկեն:

Մեր հակադարձմանը, թե  բնակիչներն ու բնապահպանները նշում են, որ այս ծխարձակումը պարբերական բնույթ է կրում, Պեպանյանը  նշեց, որ գործարանը որոշ ժամանակով չի աշխատել, և չեն կարող ասել, որ ծխարձակումները պարբերական բնույթ են կրում:

Ստացվում է, որ մարմինը բավարարվու՞մ է գործարանից հայտնած տեղեկատվությամբ, ի՞նչ խնդիր պետք է լինի, որ տեսչական մարմինը գնա տեղում ստուգի՝ հարցրինք  Պեպանյանին, որին ի պատասխան նա  ասաց. «Չէ,  վստահության հարց չի այստեղ: Գործարանն ամիսներ շարունակ չի աշխատել, մեկ ժամով են միացրել, այդպիսի դեպք է եղել»:
 
ՀԱՅ ՁԱՅՆ-ը խնդրի վերաբերյալ  զրուցեց նաև բնապահպան Կարինե Դանիելյանի հետ, ով նշեց, որ այդ գործարանից արտանետումներ հաճախ են լինում:

«Շատ վաղուց եղել է, երբ մենք գնում էինք ստուգումների, տեսնում էինք, որ մաքրող սարքերն անջատված են: Այնպես որ, դա վերահսկելու խնդիր է, որովհետև որքանով ես տեղյակ եմ, այնտեղ  լիարժեք մաքրման տեխնիկա կա, պարզապես դրա մշտական գործարկումը թանկ է: Սա բնապահպանության նախարարության  ստուգումների խնդիրն է, ինչպես նաև առողջապահության հետաքրքրության սահմաններում է, բայց ԱՆ-ը մինչև վերջերս խույս է տվել էկոլոգիական խնդիրներից»,- տեղեկացրեց Կարինե Դանիելյանը:  

Բնապահպանն ընդգծում է, որ Հայաստանում էկոլոգիական խնդիրներն ամենավերջին տեղում են, այնինչ դա  ազգային անվտանգության առաջնահերթ խնդիրներից է:



    Լրահոս
    Բոլոր հանցագործները ենթարկվելու են պատասխանատվության, և ժողովրդից գողացված ամեն մի լումա վերադարձվելու է ժողովրդին. Նիկոլ Փաշինյան
    Օրացույց
    Ամենաընթերցված
    Եկեղեցական օրացույց
    /