• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Հայաստան
15.06.2018 | 23:02

Քննարկվել են IDЕA հիմնադրամի առողջապահական ծրագրերը

«Հայաստանի զարգացման նախաձեռնություններ» (IDeA) հիմնադրամի կողմից իրականացվող առողջապահական մի շարք նախագծեր են քննարկվել առողջապահության նախարար Արսեն Թորոսյանի եւ  IDeA-ի ի տնօրեն Րաֆի Պաղճեանի հանդիպման ժամանակ: Անդրադարձ է կատարվել, մասնավորապես, ՉԱՈՒՄ-Դիլիջան հակատարիքային առողջարանային կենտրոնի ստեղծման նախագծին, առողջապահական տուրիզմի զարգացման և Հայաստանի առողջապահական ոլորտի խորքային ուսումնասիրության հարցերին:

 

Դիլիջանի առողջապահական կենտրոնի ստեղծմամբ նպատակ կա Հայաստանը դարձնել առողջապահական տարածաշրջանային հանգույց. այցելուներին կսպասարկեն նորարարական առողջապահական չափանիշերով գործող գերժամանակակից բժշկական և առողջարանային կենտրոններ Դիլիջանում։ Հանգույցը բժշկական ծրագրերը կզուգորդի առողջության, հանգստի և կրթական ծրագրերի հետ՝ ապահովելու ամբողջական մոտեցում:

 

IDeA հիմնադրամն ստեղծվել է սոցիալական ներդրողներ ու բարերարներ Ռուբեն Վարդանյանի և Վերոնիկա Զոնաբենդի կողմից, իրականացնում է սոցիալ-տնտեսական զարգացում ապահովող ծրագրեր: Մասնավոր, շահույթ չհետապնդող հիմնադրամը  ներգրավում է տեղական համայնքներն ու միջազգային շահառուներին այնպիսի կայուն ծրագրերի ստեղծման գործում, որոնք երկարաժամկետ, սոցիալ-տնտեսական դրական ազդեցություն ունեն Հայաստանի համար։

 

Նախարար Թորոսյանը հետաքրքրվել է հիմնադրամի ծրագրերի մանրամասներով, դրանցից ակնկալվող արդյունքներով, մասնագիտական ռեսուրսով, ծրագրերի իրականացմանն առնչվող հարցերով ու որոշ կարգավորումների անհրաժեշտությամբ:

 

Պայմանավորվածություն է ձեռք բերվել հետագայում կրկին անդրադառնալ դրանց:



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /