• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Հայաստան
18.06.2018 | 19:02

Կարմիր խաչի ծրագրերը նոր թափ են ստանում

Առողջապահության նախարար Արսեն Թորոսյանը հանդիպել է Կարմիր խաչի միջազգային կոմիտեի (ԿԽՄԿ) պատվիրակության ղեկավար Կարոլին Դույեզի հետ՝ քննարկելու երկկողմ հարաբերությունների զարգացման հարցեր:

Հյուրերը ներկայացրել են Հայաստանում և Արցախում ԿԽՄԿ գործունեության հիմնական ուղղությունները և հետաքրքրվել գերատեսչության ծրագրային առաջնահերթություններով, որոնց շուրջ և հնարավոր է սերտացնել գործակցությունը:

Արսեն Թորոսյանը շեշտադրել է առողջության առաջնային օղակի վերազինումն ու հզորացումը և կարևորել նաև այս ուղղությամբ ջանքերի մեկտեղումը, փոխանցել Հայաստանում սքրինինգային 2 նոր ծրագրի ներդրման նպատակադրումը:

Կարոլին Դույեզը հետաքրքրվել է սահմանամերձ համայնքներում բնակչության, ինչպես նաև սոցիալապես անապահով խմբերի, մասնավորապես, հաշմանդամություն ունեցող և ազատազրկված անձանց համար առողջապահական ծառայությունների հասանելիության բարելավմանն ուղղված առողջապահության նախարարության նոր ծրագրերով:

Անդրադարձ է կատարվել բանտերում տուբերկուլոզի կանխարգելմանն ուղղված ծրագրի ընթացքին, քննարկվել են առաջնային օղակում հոգեկան առողջության պահպանմամբ զբաղվող կենտրոնների ստեղծմանն առնչվող հարցեր:


            Միջազգային այս կազմակերպությունը նախատեսում է պիլոտային ծրագիր սկսել
Տավուշի մարզի երեք հիվանդանոցում՝ անհետաձգելի բուժօգնության ծառայությունների ստեղծման ուղղությամբ, որի շուրջ նախարարության հետ առկա է փոխըմբռնման հուշագիր:

 



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /