• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Հայաստան
24.06.2018 | 00:55

Հունիսի 26-28-ը Երևանում կանցկացվի «Սանկտ Պետերբուրգի օրերը Երևանում» մշակութային ծրագիրը

Երևանի քաղաքապետարանում կայացած աշխատանքային խորհրդակցության ժամանակ, որը վարել է քաղաքապետ Տարոն Մարգարյանը, զեկուցվել է, որ քաղաքապետարանի 2018թ. ծրագրով շարունակվում են փողոցների բարեկարգման, թեքահարթակների կառուցման, բազմաբնակարան բնակելի շենքերի մուտքերի ու տանիքների վերանորոգման, ինչպես նաև վթարային շքապատշգամբների նորոգման և բակային տարածքների ու խաղահրապարակների հիմնանորոգման աշխատանքները։

 

Երևանի քաղաքապետի խորհրդական Արայիկ Քոթանջյանը զեկուցել է, որ Էրեբունի վարչական շրջանում սահմանված ժամանակացույցով շարունակվում են Երևանի հիմնադրման 2800-ամյակին նվիրված նոր այգու ստեղծման, ինչպես նաև Էրեբունու մշակույթի տան վերանորոգման աշխատանքները։

Քաղաքապետը բոլոր վարչական շրջանների ղեկավարներին և քաղաքապետարանի համապատասխան վարչություններին հանձնարարել է շարունակել ամենօրյա խստացված հսկողությունը ընթացիկ աշխատանքերի որակի և ժամկետների պահպանման ուղղությամբ։

Մայրաքաղաքի մարդաշատ և զբոսաշրջային հետաքրքրություն ներկայացնող տարածքներում տեղադրված զբոսաշրջային տեղեկատվական կետերի մասով զեկուցվել է, որ Նալբանդյան 2/1 հասցեում արդեն իսկ գործում է առաջին տեղեկատվական կետը, իսկ երկրորդը շահագործման կհանձնվի առաջիկայում՝ Ֆրանսիայի հրապարակի հարակից հատվածում: Բացի այդ, պատասխանատուները զեկուցել են, որ մայրաքաղաքի մարդաշատ 3 վայրերում արդեն իսկ շահագործման է հանձնվել հանրային 3 զուգարան: Հանձնարարվել է շարունակել մասնավոր հատվածի հետ համագործակցությունն այս ուղղությամբ ՝ դրանց թիվը հետագայում ավելացնելու նպատակով։

Առողջապահության վարչության պետ Կամսար Բաբինյանը զեկուցել է, որ նախորդ շաբաթ մայրաքաղաքի արհեստական ջրավազաններում լողանալու հնարավոր դեպքերը կանխարգելելու և բացառելու նպատակով ջրավազանների հարակից տարածքներում տեղադրվել են արգելող նշաններ, ինչպես նաև, համագործակցելով ՀՀ ոստիկանության Երևան քաղաքի վարչության հետ, հանրությանն իրազեկվել է արհեստական ջրավազաններում լողալու հնարավոր վտանգների մասին: Քաղաքապետը հանձնարարել է այս ուղղությամբ ևս շարունակել ամենօրյա հսկողությունը:

Բնապահպանության վարչության պետ Ավետ Մարտիրոսյանը զեկուցել է, որ շարունակվում են ծաղկային տարածքների խնամքի, կանաչապատման, այգիների մաքրման և ծառերի կրապատման, ինչպես նաև չորացած ճյուղերի սանիտարական էտի աշխատանքները։ Քաղաքապետ Տարոն Մարգարյանը հանձնարարել է կանաչ տարածքների խնամքն ու ոռոգումը պահել մշտական հսկողության տակ։

Աշխատակազմի արտաքին ձևավորման և գովազդի վարչության պետ Արազ Բաղդասարյանն էլ զեկուցել է, որ ի կատարումն քաղաքապետի հանձնարարականի` Կարապի լճի հարակից հատվածում, մասնավորի հետ համագործակցված, տեղադրվել է 2 մեծ էկրան, որոնցով համաքաղաքացիներն ու քաղաքի հյուրերը հնարավորություն են ստացել հետևելու Ֆուտբոլի աշխարհի առաջնության խաղերի հեռարձակմանը: Բացի այդ, զեկուցվել է, որ ֆուտբոլասերների ժամանցն ավելի հետաքրքիր դարձնելու նպատակով, խաղերի հեռարձակման միջակայքում, հայտնի հայ դիջեյների մասնակցությամբ տեղում ապահովվում է նաև բարձր տրամադրություն, յուրաքանչյուր կիրակի էլ ելույթներով հանդես են գալու հայկական սիրված նվագախմբեր։

Խորհրդակցության ավարտին քաղաքապետն աշխատակազմի արտաքին կապերի վարչությանը հանձնարարել է ստեղծել աշխատանքային խումբ և նախապատրաստվել Երևանում հունիսի 26-28-ը կայանալիք Սանկտ Պետերբուրգի օրերին նվիրված միջոցառումների պատշաճ կազմակերպմանն ու իրականացմանը։



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /