• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Անկախությունը մարդու ծնվելու, ապրելու, սիրելու պես մի բան է

Անկախությունը բացարձակ արժեք էախր, ինչպե՞ս կարելի է  հարցնել՝ ի՞նչ կարծիք ունես անկախության մասին, դա նույնն է, թե ասես՝ ի՞նչ կարծիքի ես ծնողիդ մասին: Այս ծանր փորձությունների գնով անգամ՝ Անկախությունը քննարկման կարիք չունի: Անկախությունը մարդու ծնվելու, ապրելու, սիրելու պես մի բան է: Ամեն ինչի հավաքականությունն է Անկախությունը:

ՎԱԶԳԵՆ ՍԱՐԳՍՅԱՆ

Հայաշխարհի ձայն, Լրահոս, Հայաստան
18.06.2018 | 21:42

ԵԿՄ-ում կան նաև ազնիվ, «չօճառվող» և չքծնող մարդիկ. Վոլոդյա Ավետիսյան

 

 

Հեղինակ՝ ԱԿԱԹԻ ՎԱՀԱՆՅԱՆ

Ազատամարտիկ,  պահեստազորի գնդապետ Վոլոդյա Ավետիսյանը վստահեցնում է՝ ԵԿՄ-ում ազնիվ և հայրենասեր մարդիկ շատ կան, և Մանվել Գրիգորյանի հետ կապված բացահայտումը չի կարող ազդել այդ մարդկանց հեղինակության վրա:  Այս մասին ազատամարտիկն ասաց ՀԱՅ ՁԱՅՆ-ի հետ զրույցում:

 

 «Հայաստանը փոքր երկիր է և բոլորը բոլորին գիտեն, մանավանդ կռված տղաների մեծ մասն իրար ճանաչում են: Բոլորն էլ գիտեն, որ ԵԿՄ-ում մարդիկ կան, որոնք ծառայում են Մանվել Գրիգորյանին, և կան մարդիկ, որ սովորական քաղաքացու նման, վատ սոցիալական պայմաններում ապրում են՝ «չօճառվելով» և չքնծնելով ոչ մեկին»,- ընդգծում է Ավետիսյանը:

 

Անդրադառնալով ԵԿՄ-ի ճակատագրին՝  ազատամարտիկը նշեց, որ լավ ղեկավարի դեպքում բոլոր հարցերը կկարգավորվեն:

 

«Երկրապահի նախագահը Մանվելն է, նա է դրել համակարգը, և ոնց ցանկանում էր, այդպես էլ անում էր: Հիմա եթե Երկրապահի նախագահը փոխվի և լինի հայրենասեր և պարկեշտ մարդ, ինձ թվում է երկրապահի վերաբերյալ բոլոր հարցերը կկարգավորվեն»:

 

 Ավետիսյանը խայտառակություն է որակում Մանվել Գրիգորյանի վերաբերյալ բացահայտումը, ըստ որի՝ Գրիգորյանը յուրացրել է  բանակի համար նախատեսված սնունդը, զենք-զինամթերքն ու մի շարք այլ պարագաներ:  

 

«Բառեր չեմ գտնում ասելու, չգիտեմ ինչ ասեմ, սա դավաճանություն է երկրի հանդեպ, զինվորի հացն են գողացել...Զենք-զինամթերքը դեռ չասեմ,  էնպես չի, ոչ պահեստներում մենք զենք-զինամթերք չունենք, բայց էսքան էժանագին...»,- եզրափակեց Վոլոդյա Ավետիսյանը:

 

 


    Լրահոս
    Օրացույց
    Ամենաընթերցված
    Եկեղեցական օրացույց
    /