• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 23, 2018
Անկախությունը մարդու ծնվելու, ապրելու, սիրելու պես մի բան է

Անկախությունը բացարձակ արժեք էախր, ինչպե՞ս կարելի է  հարցնել՝ ի՞նչ կարծիք ունես անկախության մասին, դա նույնն է, թե ասես՝ ի՞նչ կարծիքի ես ծնողիդ մասին: Այս ծանր փորձությունների գնով անգամ՝ Անկախությունը քննարկման կարիք չունի: Անկախությունը մարդու ծնվելու, ապրելու, սիրելու պես մի բան է: Ամեն ինչի հավաքականությունն է Անկախությունը:

ՎԱԶԳԵՆ ՍԱՐԳՍՅԱՆ

Հայաշխարհի ձայն, Լրահոս, Հայաստան
23.06.2018 | 14:20

Քաղաքակա՞ն, թե՞ փողով ընտրություններ. ի՞նչ է սպասվում

Հեղինակ՝ ԱԿԱԹԻ ՎԱՀԱՆՅԱՆ 

Արտահերթ խորհրդարանական ընտրություններից առաջ  նոր իշխանությունը, կարծես թե, լուրջ է տրամադրված ընտրակաշառքի վերացման հարցում, ասում են՝  նա  հստակ որոշել և զգուշացրել է բոլոր քաղաքական ուժերին՝ ընտրություններին փող չի բաժանվելու: Մամուլը գրեց նաև, որ ոստիկանության ներսում ստեղծվելու է հատուկ մարմին, որը զբաղվելու է ընտրությունների անցկացմամբ, այդ թվում նաև՝ պայքարելու է ընտրակաշառքների դեմ, թեև այս մասին դեռ պաշտոնական տեղեկություն չկա:

  Այս առում մի հետաքրքիր հանգամանք ևս նշենք, ինչպես գիտենք, Հայաստանում ընտրություններին փող բաժանելու «պատասխանատու գործով» զբաղվում էին նաև քրեական և թաղային հեղինակությունները:  Օրերս ականտես եղանք, թե ինչպես ոստիկանությունը խուզարկություններ արեց և բերման ենթարկեց մի շարք հեղինակությունների,  մեկնաբանվում է, որ այս քայլը ուղղված է հենց  ընտրությունների նախաշեմին նրանց չեզոքացնելուն:

Ընտրական տեխնոլոգիաների մասնագետ Արմեն Բադալյանը կարծում է, որ իշխանությանը, ամեն դեպքում, կհաջողվի բացառել ընտրակաշառքի գործոնը:

«Ընտրակաշառքի երևույթն այսպես էր՝ Հայաստանի գործարարների մի մասը «գնում էր» իշխանությունն այդ  ժամանակվա իշխող քաղաքական ուժից և հայտնվում էր խորհրդարանում: Այդ գումարը իշխող քաղաքական ուժը երկու ուղիներով՝ վարչական և քրեական տարրերի միջոցով հասցնում էր ընտրողներին: Այսպես՝ փողը ստանում էր օլիգարխիայից, վարչական ռեսուրսի միջոցով կազմում էր այն մարդկանց ցուցակը, որոնք պետք է հասներ գումարը, և  տարբեր անձանց՝ այդ թվում քրեական տարրերի վերահսկողությամբ այդ գումարը հասնում էր ընտրողներին՝ գնելով նրանց ձայնը»,- ՀԱՅ ՁԱՅ-ի հետ զրույցում ասաց Բադալյանը:

Մեր զրուցակցի դիտարկմամբ՝ ընտրակաշառքի  գործոնի չեզոքացումը կընթանա  հետևյալ կերպ. «Եթե օլիգարխիան դուրս է գալիս ՀՀԿ-ից՝ լավ հասկանալով, որ  ՀՀԿ-ն այլևս մեծամասնություն չի լինի, ապա ՀՀԿ-ն կզրկվի այդ գումարից: Երկրորդ, նոր իշխանությունը ջարդուփշուր է անում վարչական ռեսուրսը, ընդ որում՝ արդեն սահմանները անցնելով:
Իսկ ոստիկանությունն էլ արդեն քրեական տարրերին հայտնել է, որ  վերահսկողությունն իր ձեռքն է վերցնում»:

Մեր դիտարկմանը, թե այս անգամ ականատես ենք լինելու քաղաքակա՞ն ընտրությունների, Բադալյանը պատասխանեց. «Վարչապետն ու իր թիմակիցները հայտարարել են, որ այդպես է լինելու, կլինի՞, թե՝ ոչ, չենք կարող ասել, բայց այս պահին դեպի դրան է գնում: Ի դեպ, հավելենք, որ ընդունվեց նաև բարեգործության վերաբերյալ օրինագիծը, որ բարեգործությունը չծառայի որպես թաքնված ընտրակաշառք և այդ գործոնը ևս չեզոքացվի»:



    Լրահոս
    Երևանի ավագանու ընտրություններ, Քաղաքականություն
    Երևանում մեկնարկել են ավագանու արտահերթ ընտրությունները
    Օրացույց
    Ամենաընթերցված
    Եկեղեցական օրացույց
    /