• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Գլխավոր լուր, Հոդվածներ, Լրահոս
23.06.2018 | 21:56

Ընտրությունից հետո Թուրքիայում լարվածությունն ավելանալու է. թուրքագետ

 Վաղը՝ հունիսի 24-ին, Թուրքիայում արտահերթ նախագահական ու խորհրդարանական ընտրություններ են  անցկացվելու, որոնք ըստ թուրքագետ Վարուժան Գեղամյանի,  ավելի են ամրապնդելու գործող նախագահ Ռեջեփ Թայիփ Էրդողանի դիրքերը:

ՀԱՅ ՁԱՅՆ լրատվականի հետ զրույցում թուրքագետն ասաց, որ Թուրքիայի հասարակությանը բարդ ընտրություն է սպասվում, այն անցելու է յուրահատուկ փորձության միջով:

   «Չնայած այս պահին խորհրդարանական ընտրություններում նախընտրելի է համարվում «Արդարություն եւ Զարգացում» կուսակցությունը, իսկ նախագահական ընտրություններում այդպիսին է համարվում գործող նախագահ Ռեջեփ Թայիփ Էրդողանը,  այնուամենայնիվ, այս ընտրություններում կա փոքր հնարավորություն,  որ ընդդիմադիր ուժերը կարող են հաղթանակ տանել այս երկու ուղղություններից գոնե մեկում, մասնավորապես՝ խորհրդարանական ընտրություններում:

   Այդ փոքր հնարավորությունը հիմնված է ընդդիմության ցուցաբերած յուրատեսակ համախմբվածության, ճկունության վրա, որովհետեւ առաջին անգամ վերջին երկու տասնամյակում, ընդդիմությունը գործի է դրել աշխատանքի ճկուն մեխանիզմներ եւ ոչ միայն կիրառում է Էրդողանի եւ նրա թիմակիցների կողմից բազմիցս կիրառված պոպուլիստական օրակարգն ու գործիքները, այլև գործի է դնում քարոզչական հմուտ մեխանիզմներ՝ հնարավորինս լայն զանգվածներ ներգրավելու համար:

   Եվ սա է պատճառը, որ ընտրություններում, փաստորեն, ընտրողները բավական յուրահատուկ իրավիճակում են հայտնվելու, որովհետեւ այն զանգվածը, որը փաստացի  դեմ է Էրդողանին, ունի հնարավորություն համախմբվելու ընդդիմադիր թեկնածուների եւ ընդդիմադիր կուսակցական դաշինքների շուրջ»,-նշում է վերլուծաբանը:

  Վարուժան Գեղամյանը նաեւ ասաց, թե այս պահին ամենաահավանական կանխատեսումն այն է, որ հաղթական են տանելու  Էրդողանն ու իշխող կուսակցությունը, սակայն դրան զուգահեռ Թուրքիայում ավելանալու է լարվածությունը. «Հասարակության այն հատվածը, որը դեմ է Էրդողանին, փաստորեն, տրամադրված է հաղթանակի, եւ ընտրությունից հետո  նրան հիասթափության շրջափուլ է սպասվում, որի ընթացքում հնարավոր է նաեւ իշխանության համար պայքարը տեղափոխվի փողոց:

   Միեւնույն ժամանակ հնարավոր է, որ այն մարդիկ, որոնք հանդես կգան իշխանությունների դեմ՝ կենթարկվեն բռնաճնշումների: Էրդողանի հաղթանակի դեպքում հինգ տարով իշխանությունն ամբողջությամբ անցնելու է մեկ անձի: Նույնիսկ այն անվանական նշանակությունը, որ ուներ խորհրդարանը վերջին երկու տարիներին, երբ Էրդողանը փաստացի ձեռք բերեց իշխանություն, այդ նոմինալ նշանակությունը նույնպես բացառվում է: Եվ սա էլ իր հերթին նշանակում է թե՛ ներքին, թե՛ արտաքին քաղաքական հարթակներում ամբողջական աշխատելաոճի փոփոխություն:   Թուրքիան կրկին մնալու է այն երկրների շարքում, որոնք ղեկավարվում են մեկ մարդու քմհաճույքով»:

Թուրքիայում սպասվող ընտրությունների շուրջ իր հնարավոր  կանխատեսումը ներկայացնելուց հետո թուրքագետ Վարուժան Գեղամյանը այսպես եզրափակեց՝ ավելի խոր եւ համապարփակ վերլուծության համար պետք է սպասել ընտրությունների վերջնական արդյունքներին:

 

 



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /