• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 21, 2018
Նոր Հայաստանը պետք է լինի հաղթանակների Հայաստան

ՀՀ նախագահ Արմեն Սարգսյան

Հայաշխարհի ձայն, Լրահոս, Մշակույթ, Հայաստան
25.06.2018 | 20:46

Համո Սահյանն՝ Ակսել Բակունցի մասին

Այսօր Սև ցելերի սերմնացանի՝ հայ մեծանուն և տաղանդաշատ գրող Ակսել Բակունցի ծննդյան օրն է:

Իր գրչակից ընկերոջը Համո Սահյանն այսպիսի բանաստեղծություն է ձոնել.

 

 

Բասուտա գետն է լեռներից հոսում

Եվ ձորերի մեջ զիլ զրնգում է,

Աթա ապերն է ծոր տալով խոսում,

Եվ Մեղրաքերծը դեռ դրնգում է։

 

Մինան գետի մեջ գորգ է լվանում,

Ոտքերը բաց են մինչև ծնկները,

Ինքն իր վշտի հետ զրույց է անում,

Ջուրը տանում է արտասուքները։

 

Լորի հինավուրց բլրակի վրա

Մայրամուտի մեջ արձանացել է

Շիկնած հայացքն այն խոնարհ աղջկա,

Որ ամբողջ կյանքում քեզ ուղեկցել է։

 

Հնձան է մտնում ծեր Դիլան դային

Հոգում հեռավոր օրերի ցավը,

Եվ հուշերի մեջ թևին է տալիս

Իր ձեռքից թռած ոսկե միրհավը։

 

Հազրոն նստել է օջախի քարին,

Հիշում է կորած երկիրն ու հողը,

Տխուր նայում է Հայկական պարին

Եվ նվագում է ծիրանի փողը։

 

Ամեն մեկի մեջ մարմին է առած

Աշխարհի բարին ու բարությունը,

Եվ ես ամեն օր լսում եմ նրանց

Հավիտենական շնչառությունը։

 

Համո Սահյան

 



    Լրահոս
    Անկախության օր
    Անկախության օգտին մենք քվեարկել ենք ազգովի ու պատասխանատվությունն էլ պարտավոր ենք կրել ազգովի
    Օրացույց
    Ամենաընթերցված
    Եկեղեցական օրացույց
    /