• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Գլխավոր լուր, Հոդվածներ, Լրահոս
26.06.2018 | 18:32

Թուրքիա. Ընտրութիւններու աւարտին AKP-ն ինկաւ «մարդ-կուսակցութիւն» թակարդին մէջ

Անցեալ կիրակի օր Թուրքիոյ մէջ կայացած ընտրութիւններուն արդիւնքները անակնակալ էին շարք մը վերլուծաբաններու համար։

Հաւանականութիւնը մեծ էր, որ Թուրքիոյ գործող նախագահ Ռէճէփ Թայէպ Էրտողանը վերընտրուէր նախագահ։ Բայց խնդիրն այն էր, որ Թուրքիոյ զարգացումներուն հետեւողները կը յայտարարէին, որ Էրտողան ընտրական առաջին փուլին պիտի չկարողանայ անցնիլ յիսուն տոկոսի շէմը եւ այդպիսով Թուրքիան պիտի երթար ընտրութիւններու երկրորդ փուլի մը, որուն հետեւանքով ալ Էրտողանի գործը պիտի դժուարանար։

Վերջերս Թուրքիոյ քաղաքական հարթակին վրայ երեւցած աշխուժութիւնը եւ յատկապէս «Ժողովրդահանրապետական» կուսակցութեան կողմէ նոր «ուժեղ» թեկնածուի մը առաջադրումը բնականաբար կը փոխէր խաղի բոլոր կանոնները։ Աւելին Մուհարրէմ Ինճէյի ելոյթները եւ անոր «քաղաքական կամք»ի վճռակամութիւնը մտածել կու տային, որ բոլոր անոնք, որոնք դէմ են Էրտողանին մէկդի պիտի դնեն իրենց գաղափարական բոլոր տեսակի տարակարծութիւնները եւ իրենց քուէն տան Ինճէյին։ Այս մօտեցումն անշուշտ իրականութիւն պիտի դառնար, եթէ Թուրքիոյ մէջ տեղի ունենար ընտրական երկրորդ փուլ մը, որ այդպէս ալ տեղի չունեցաւ։

 

Ուշագրաւ է նաեւ, որ էրտողանի կառավարութեան արտաքին ճակատին վրայ ունեցած բազմապիսի խնդիրները, որոնք կրնային ազդել ընտրական գործընթացներուն վրայ ի չիք դարձան, որովհետեւ Թուրքիոյ նախագահը կը վայելէր ու դեռ ալ կը վայելէ Միացեալ Նահանգներու, բայց մանաւանդ Ռուսաստանի անմիջական նեցուկը։ էրտողան այդ նեցուկը քաղաքական միաւորի վերածելով ու աւելի հեռուն երթալով Սուրիոյ եւ Իրաքի «աշխոյժ» գործողութիւններ կատարելով կը փորձէր յայտարարել, որ Թուրքիան շրջանին մէջ միայն ռազմավարական դիրք ունեցող երկիր մը չէ, այլ կարեւոր խաղացող է։ Արտաքին ճակատի իր «վայելած» նեցուկէն բացի Էրտողան «գրաւած» էր սիրտը այն քաղաքացիներուն, որոնք յատկապէս իր

անձին մէջ տեսած էին «միակ փրկիչ»ի մը կերպարը անշուշտ յենուելով անոր համա-իսլամական եւ նէօ-օսմանեան մօտեցումներուն վրայ,որոնք Էրտողանը դուրս կը բերէին սոսկական թուրք առաջնորդ մը ըլլալու հանգամանքներէն ու զինք կը դնէին այլ հարթակի վրայ։

Երկրի իսլամական հատուածներուն մօտ Էրտողանի անձին հանդէպ առկայ համակրանքը մասնաւորապէս երեւելի կը դառնար նոյն էրտողանի առաջնորդած «Արդարութիւն եւ զարգացում» կուսակցութեան «ստացած» հարուածով...

Խօսքը խորհրդարանին մէջ ընտրութեանց արդիւնքով սոյն կուսակցութեան «տապալման» մասին է, որ մինչեւ 24 յունիսը կը հանդիսանար մեծամասնական կուսակցութիւն մը եւ այսօր արդէն իսկ դադրած է այդ մակարդակի կուսակցութիւն մը ըլլալ ստանալով քուէներուն 42.49 առ հարիւրը եւ ունենալով 293 երեսփոխաններ ( 600-ի վրայ)։ Թուրքիոյ ընտրողները այդկերպ «պատգամած» են , որ իրենց համար կուսակցութիւնը չէ, որ կարեւոր է այլ «առաջնորդ էրտողան»ը։

Պարզ ասած Թուրքիոյ մէջ մարդ- կուսակցութեան սահմանագծին մօտեցող այսօրուան ընդհանուր դրոյթները մտածել կու տան, որ եթէ էրտողանը որեւէ ձեւով եւ որեւէ պայմաններու տակ դուրս գայ, կամ դուրս բերուի խաղէն, ապա վերջին տարիներուն Թուրքիան առաջնորդած կուսակցութիւնը ընդամէնը օրերու ընթացքին կրնայ «ոտքի տակ» երթալ եւ փլուզուիլ։

24 յունիսին տեղի ունեցած ընտրութիւններու գլխաւոր դասը այս է, ու նաեւ չի բացառուիր, որ արտաքին ճակատին վրայ յենած էրտողան կրնայ արագօրէն գահավիժիլ, եթէ շրջանի աշխարհաքաղաքական պայմանները նոր զարգացումներ ապրին։



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /