• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Միջոցառումներ, Մշակույթ, Հայաստան
27.06.2018 | 13:42

Տեղի կունենա Լևոն Խաչիկյանի 100-ամյակին նվիրված միջազգային գիտաժողով

2018 թվականի հունիսի 28-30-ը Մեսրոպ Մաշտոցի անվան Մատենադարանը և ՀՀ գիտությունների ազգային ակադեմիան կազմակերպում են հայագիտական միջազգային գիտաժողով՝ նվիրված Մատենադարանի հիմնադիր տնօրեն, ակադեմիկոս Լևոն Խաչիկյանի ծննդյան 100-ամյակին: Գիտաժողովի նիստերը անցկացվելու են Մատենադարանում: Գիտաժողովի բացման արարողությունը տեղի կունենա հունիսի 28-ին՝ ժամը 10:00-ին, Մատենադարանի գիտական մասնաշենքի նիստերի դահլիճում: Այս մասին տեղեկանում ենք Մատենադարանի լրատվական բաժնից:

Բացման խոսքով հանդես կգա Մատենադարանի տնօրեն, պատմական գիտությունների դոկտոր Վահան Տեր-Ղևոնդյանը, ողջույնի խոսքով հանդես կգան ՀՀ կրթության և գիտության նախարար Արայիկ Հարությունյանը, ՀՀ ԳԱԱ նախագահ Ռադիկ Մարտիրոսյանը, Հայագիտական ուսումնասիրությունների միջազգային ընկերակցության նախագահ Վալենտինա Կալցոլարին: Ն.Ս.Օ.Տ.Տ. Գարեգին Բ Կաթողիկոսի Հայրապետական օրհնության գիրը գիտաժողովի մասնակիցներին կփոխանցի Մայր Աթոռ Սուրբ Էջմիածնի ներկայացուցիչը:

Գիտաժողովի ընթացքում կներկայացվեն ավելի քան 70 զեկուցում հայագիտության տարբեր ուղղություններով՝ աղբյուրագիտություն, ձեռագրագիտություն, բանասիրություն, արվեստ, փիլիսոփայություն, պատմություն, աստվածաբանություն և այլն: Միջազգային գիտաժողովին զեկույցներով հանդես են գալու նաև արտասահմանյան (Իտալիա, Ֆրանսիա, Ռուսաստան, ԱՄՆ, Շվեյցարիա, Հունաստան, Ուկրաինա) հեղինակավոր գիտնականներ: Գիտաժողովի աշխատանքային լեզուներն են՝ հայերեն, անգլերեն, ռուսերեն։

Հունիսի 28-ին՝ գիտաժողովի բացման արարողությունից անմիջապես հետո, կկայանա Լևոն Խաչիկյան ծննդյան 100-ամյակին նվիրված ցուցադրության բացումը:

Գիտաժողովի ավարտին (հունիսի 30) տեղի կունենա գրքերի շնորհանդես։

 

Գիտաժողովի ծրագիրն՝ այստեղ:



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /