• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Աշխարհի ձայն
01.07.2018 | 19:40

Իրանը հայտարարել է ԱՄՆ-ի պատժամիջոցների դեմ պայքարի նոր միջոցների մասին

Իրանի իշխանությունները թույլ կտան մասնավոր սեկտորին նավթ արտահանել՝ ԱՄՆ-ի պատժամիջոցներին հակազդելու համար: Այդ մասին հայտարարել է Իրանի փոխնախագահ Էսհակ Ջահանգիրին:

Նրա խոսքերով՝ ԱՄՆ-ի ձգտումը՝ զրոյի հասցնել օտար երկրների կողմից իրանական նավթի գնման ծավալները, անիրագործելի է: Այսպիսի տեսակետ է հայտնել նաև Իրանի նավթի հարցերով նախարարության մեկ այլ պաշտոնատար անձ:

«Մենք քննարկել ենք հարցը բարեկամ երկրների հետ և բացել ենք նավթի վաճառքի ճանապարհներ: Նավթը կներկայացվի ներքին բորսայում, և մասնավոր սեկտորը կկարողանա այն արտահանել»,- ասել է նա՝ հավելելով, որ իշխանությունները ծրագիր ունեն, որը թույլ չի տա ԱՄՆ-ին իրագործել իր մտադրությունները և Իրանին հնարավորություն կտա անհրաժեշտ մակարդակով նավթ վաճառել:

Անցած շաբաթ ԱՄՆ պետքարտուղարության բարձրաստիճան ներկայացուցիչը հայտարարել է լրագրողներին, որ Վաշինգտոնը կփորձի համոզել իր դաշնակիցներին՝  ամբողջապես դադարեցնել Իրանից նավթի ձեռքբերումը մինչև նոյեմբերի սկիզբը:

Նրա խոսքերով՝ նման քննարկումներ են անցկացվում նաև այլ երկրների, այդ թվում՝ Չինաստանի հետ:

Հիշեցնենք, որ ԱՄՆ նախագահ Դոնալդ Թրամփը մայիսի 8-ին հայտարարել էր, որ Վաշինգտոնը դուրս է գալիս Իրանի միջուկային համաձայնագրից, որը կնքվել էր  2015-ին՝ միջազգային միջնորդ «վեցյակի» (ՌԴ, ԱՄՆ, Մեծ Բրիտանիա, Չինաստան, Ֆրանսիա, Գերմանիա) և Իրանի միջև: Թրամփը հայտարարել էր նաև բոլոր պատժամիջոցների վերականգնման մասին, որոնց գործունեությունը դադարեցվել էր համաձայնագրի կնքումից հետո:



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /