• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս
02.07.2018 | 21:17

Առողջապահության նախարարությունը հորդորում է՝ օտար երկրներ մեկնելուց առաջ պատվաստվել

Առողջապահության նախարարությունը Հայաստանից դուրս հանգիստը կազմակերպողներին զգուշացնում է՝ հաշվի առնել տվյալ երկրի համաճարակային իրավիճակը տարբեր վարակիչ հիվանդությունների առումով՝ հնարավորության դեպքում ապահովելով անհրաժեշտ բոլոր կանխարգելիչ միջոցառումները:

Ինչես տեղեկացանք Առողջապահության նախարարությունից, Առողջապահության համաշխարհային կազմակերպության տվյալներով` աշխարհի որոշ երկրներում առանձին վարակիչ հիվանդությունների առումով դիտվում է համաճարակային անբարենպաստ իրավիճակ:

Կոնգոյի Դեմոկրատական Հանրապետությունում համաճարակային իրավիճակը լարված է Էբոլա վիրուսով հարուցված հիվանդության առումով: Այնտեղ արձանագրվել է 54 դեպք, որից 25-ը՝ մահվան ելքով:

Խոլերայի դեպքեր են արձանագրվել Կամերունում՝ այս  տարվա մայիս ամսին:

Վերջին ամիսներին Մադագասկարում, Եմենում արձանագրվել են ժանտախտի դեպքեր:

Եվրոպայում դիտվում է կարմրուկի համաճարակային իրավիճակի վատացում։

Առավել ծանր է համաճարակային վիճակը Ուկրաինայում, Ռումինիայում, Իտալիայում, Հունաստանում, Գերմանիայում, Ռուսաստանում։

Ուկրաինայում կարմրուկի դեպքերի թիվը հասել է մոտ 21 հազարի, գրանցվել է նաև դիֆթերիայի 2 դեպք: Կարմրուկի բռնկում է գրանցվել նաև Ճապոնիայում, արդեն` 161 դեպք:

Դիֆթերիայի բռնկում է գրանցվել Վենեսուելայում: Դեպքերը սկսել են կրկին գրանցվել 2016թ. հունիսից:

Մեկ անգամ ևս անհրաժեշտ է նշել, որ կառավարելի վարակիչ հիվանդությունների կանխարգելման միակ անվտանգ և արդյունավետ միջոցը պատվաստումն է: Միայն ժամանակին և լիարժեք իրականացված պատվաստումները կարող են կանխել հիվանդությունը և դրա հետևանքով առաջացած բարդությունները:

Միաժամանակ, առողջապահության նախարարությունը հորդորում է մշտապես խստորեն հետևել անձնական հիգիենայի կանոններին, հաճախակի լվանալ ձեռքերը հոսող ջրով և օճառով, սննդում օգտագործել միայն պատշաճ թերմիկ մշակման ենթարկված սննդամթերք, չսնվել պատահական վայրերում, հնարավորության դեպքում օգտագործել շշալցված խմելու ջուր:



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /