• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Գլխավոր լուր, Հոդվածներ, Լրահոս
04.07.2018 | 20:34

Նշան Ղազարոսյան/ Վաղարշակ

Նշան Ղազարոսյանը Հակոբ և Հավաս Ղազարոսյանների անդրանիկ որդին է, ծնվել է 1872 թ․-ին Խարբերդի Ս․ Կարապետ թաղում: Նախնական կրթությունն ստացել է տեղի վարժարանում, ապա ընդունվել է Սուրբ Հակոբի Կոնտրոնական վարժարան՝ Թլկատինցու գլխավորությամբ։ Այնուհետև օգնել է հորը և միասին աշխատել են առևտրի ոլորտում, մեկնել է Հալեպ, որտեղ էլ ծանոթացել է հեղափոխական գործիչների հետ։

Այնուհետև եղել է Մուշում, որտեղ մնացել է մեկ տարի և իր աչքով տեսել հեղափոխական խմորումները։ Շուտով հոր հետ տեղափոխվում է  Էրզրում, որտեղ նրանց ձերբակալում և ուղարկում են Խարբերդ, որտեղ երկու ամիս բանտային դաժան պայմաններում մնալուց հետո գրավի դիմաց ազատ են արձակվում։ 1905թ․-ին Նշանը մեկնում է Կիլիկիա, որտեղ Զեյթունի ապստամբության նախօրեին միանում է Հնչակյան գործիչներին՝ Աղասիին, Մլեհին և այլոց, որոնք էլ իրենց հերթին պիտի միանային Վերակազմյալ Հնչակյաններին։

Մլեհը՝ նույն ինքը՝ Ասատուր Տամկաճյանը, և Նշանը, որպես խարբերդցի հերոսներ մեծ դեր ունեցան Զեյթունի ապստամբության գործում, ավելի ուշ ևս 5 հնչակյանների հետ աքսորվեցին Լոնդոն։

Մի քանի ամիս անց Նշանը կարողանում է գաղտագողի ճանապարհ գտնել դեպի Կիլիկիա և ծպտված մտնում է այնտեղ, որտեղ էլ իր ձեռքն է վերցնում զենքը և կռվում այնքան ժամանակ, մինչև որ մատնությամբ 1897թ․-ին տարվում է Հալեպ, որտեղ նախ բանտարկվում է երկու տարով, ապա դատավճիռ է կայացվում՝ նրան ազատազրկել 15 տարով Փայաս բերդում, որը հայտնի էր իր դաժան ու վատ պայմաններով։ Այդպիսով՝ 13 տարի մնում է բանտում և դուրս է գալիս միայն 1908թ․-ին՝ Օսմանյան սահմանադրության ընդունման ընթացքում։ Ազատության մեջ հայտնվելուց հետո Նշանը մեկնում է Ամերիկա, որտեղ մնում է 4 տարի, ապա վերադառնում ծննդավայր՝ ծնողների ու հարազատների մոտ։

Այստեղ էլ Նշան Ղազարոսյանն ամուսնանում է օրիորդ Յուղաբեր Մսրլյանի հետ, որից ունենում է 2 զավակ։ Այստեղ էլ վերսկսում է իր առևտրականի գործունեությունը, միևնույն ժամանակ հետևում ազգային շարժմանը։

1915թ․։ Նշանը առաջին խմբի հետ ձերբակալվում և տարվում է բանտ, որտեղ անպատմելի տանջանքների է ենթարկվում Խարբերդի հայտնի մտավորականների հետ, որից հետո տանջված հայ մտավորականների կազմակերպած հրդեհի ժամանակ զոհվում է։

 

Քաղված պատմաբան Հակոբ Վարդիվառյանի «Մեծ Երազի Ճամբուն Ուղեւորները» բազմահատորյակից



    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /