• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Լրահոս
05.07.2018 | 18:35

Պետք է շուտափույթ ստեղծել «Ուղեղների կենտրոն» ընկերակցությունը. Վարդան Ավետիսյան

ՀՀ ՊՆ նախարարի խորհրդական, գեներալ-մայոր Վարդան Ավետիսյանը ֆեյսբուքյան իր էջում այսօր օրախնդիր հարց է բարձրացրել, մեր գերխնդիրը երկրի արտաքին քաղաքական անվտանգությունն է և ինքնապաշտպանությունը, ինչը խորհրդականի խոսքով՝  կատարվում է խոցելի արդյունավետությամբ և ոչ ինստիտուցիոնալ համաչափությամբ:

Եվ այդ մտահոգություններով առաջնորդվելով՝  Վարդան Ավետիսյանը կարևոր առաջարկություն է կատարել. «Պետք է շուտափույթ ստեղծել «Ուղեղների կենտրոն» կամ «Կրիտիկական զանգված» ընկերակցությունը: Հայաստանի արտաքին քաղաքական անվտանգությունը և ինքնապաշտպանությունը կատարվում է խոցելի արդյունավետությամբ և ոչ ինստիտուցիոնալ համաչափությամբ, դրա համար էլ տարերայնորեն կիրառվող աններդաշնակ դիմագրավումները պտղաբերության առումով՝ գոհացուցիչ չեն, և անձրևից փախչողի ու կարկուտի տակ հայտնվողի տպավորություն են թողնում: Ժամանակավրեպության բարդույթը չի թոթափվում օպերատիվ կիրառվող ռազմավարությամբ, որովհետև համազգային ինքնապաշտպանության հիմնախնդիրները գրեթե ամբողջովին, սահմանափակված են սոսկ մեկ պատասխանատու գերատեսչությամբ, որը չունի ազգային բովանդակ ներուժի կարողությունները կենտրոնացնելու և նպատակաուղղելու ինստիտուցիոնալ ինֆրաստուկտուրաներ, ասել է թե, գիտահետազոտական հաստատություններ, ակումբներ, վերլուծական կենտրոններ, հկ-ներ, նպատակային հիմնադրամներ, և այս բոլորի կատարած աշխատանքները կոորդինացնելու ու այն ուղղորդելու պետական մի կառույց, որը կունենա ակադեմիական լիազորություններ և իրավահավասար կարողություններ:

Հայաստանը իրենից ուժեղ և հզոր գերտերությունների ուշադրության կիզակետում է հայտնված: Աշխարհաքաղաքական, տարածաշրջանային և լոկալ շահերի բախման տրամաբանությունը և փլիսոփայությունն ինքնին ենթադրում է ստեղծելու «Ուղեղների կենտրոն» կամ « Կրիտիկական զանգված» ընկերակցությունը՝ հայ ժողովրդին ուղղվսծ այսօրվա սպառնալիքները և մարտահրավերները չեզոքացնելու և դրանից բխող զուսպ ու հավասարակշռիչ գաղափարախոսություն տանելու համար: Միայն մեկ գերատեսչությամբ, մի երկու հկ-ների կամ հիմնադրամների և մատերի վրա հաշված մի քանի խորագետ քաղաքագետների միջոցով չենք կարողանալու հասնել ցանկալի արդյունքների: Նոր իրողությունները՝ նորովի իրավահարաբերություններ և նորովի մոտեցումներ են պահանջում: Նոր իշխանությունները, կարծում եմ, պետք է ձեռնամուխ լինեն այս նոր կենտրոնների ստեղծմանը, որպեսզի ազգային գիտակցության, ազգային հիշողության, նրա ողբերգական կորուստների պատմության իմացությունը նորովի հանրայնացվի ու վերարժևորման, զարթոնքի, արթնության իրավագիտակցությունը նոր պահանջատիրության բարձրացվի: Շատ քչերը այսօր գիտեն Վուդրո Վիլսոնի իրավարար դրույթները, 1920-1921 թթ. պայմանագրերի նախապատմությունները, Նախիջևանի նվիրաբերումը և այլ բազմաթիվ ճակատագրական իրադարձություններ: Ժամանակն է ոգեղենությամբ լցվելու և համազգային ներուժը դրախտամայր Հայաստանի համար նպատակային օգտագործելու: Հիշե՛ք, Հայաստանը դրախտամայր Երկիրն է, և, միայն հայերն են, որ առաջին, և ջրհեղեղից հետո երկրորդ քաղաքակրթության ընթացքում պահպանեցին Աստվածային Լեզուն, ու առ այսօր՝ խոսում են այդ երկու քաղաքակրթությունները իրար կապող Մայր լեզվով՝ Հայոց Լեզվով…»:



    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /