• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 26, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս
05.07.2018 | 21:30

Մենք չենք կարող տասը րոպե անվտանգության վակուում թույլ տալ. ՀՀ ԱԳ նախարար

Եվրոպական այցի ավարտին ՀՀ արտգործնախարար Զոհրաբ Մնացականյանը հարցազրույց է տվել EU Observer հանդեսին, որի ժամանակ  մասնավորապես ասել է. «Թավշյա հեղափոխությունից հետո քաղաքական վենդետան բացառվում է, սակայն ոչ մեկը օրենքից վեր չէ, օրինակ պատգամավոր Մանվել Գրիգորյանը, ով անձեռնմխելի էր:

Հայաստանն անկախ արտաքին քաղաքականություն է վարում: Մոսկվայի գլխավորած Եվրասիական տնտեսական միության անդամ է: Միտում կա այդ բլոկը դիտարկելու որպես դիսֆունկցիոնալ, ինչ-որ վատ բան, սակայն դա հնարավորություն է: Մենք անդամ ենք և դրանից օգուտներ ունենք:

Ի տարբերություն նախկին խորհրդային տարածքում՝ Վրաստանում, Ուկրաինայում տեղի ունեցած «գունավոր» հեղափոխությունների, Երևանում թավշյա հեղափոխության օրերին փողոցներում միայն հայկական եռագույն դրոշներ էին, որովհետև դա միայն ներքին հարց էր՝ ժողովուրդը արդար հասարակությունում ապրելու ցանկություն էր հայտնում, աշխարհաքաղաքական հարցեր, Ռուսաստանի հետ հարաբերությունները վերանայելու ցանկություն չէր հայտնում:

Այն, ինչ կատարվել է Հայաստանում, արդյո՞ք Ձեզ համար բավարար ժողովրդավարական չէ, թե ժողովրդավար որակվելու համար անպայման պետք է հակառուսական լինի: «Դուք Ռուսաստանի հե՞տ եք, թե՝ ոչ» հարցադրմամբ եվրոպացի պաշտոնյաների հետ երբեք խոսակցություն չի լինի: Ռուսաստանը այսօր ապահովում է Հայաստանի անվտանգությունը: Արդյոք այստեղ կա՞ ուրիշ որևէ մեկը, որ պատրաստ է նման օգնության: Նայեք երկրներին, որոնք ցանկանում են ՆԱՏՕ-ի անդամ դառնալ, որքա՞ն երկար ժամանակ է նրանք հերթում են՝ տասը տարի: Մենք չենք կարող տասը րոպե անվտանգության վակուում թույլ տալ: Նայեք Ադրբեջանին, նայեք Թուրքիային՝ այդ երկու երկրները 27 տարի շրջափակման մեջ են պահում մեր երկիրը, որը անվտանգության էկզիստենցիալ սպառնալիքներ ունի: Նավթի և գազի պատճառով Ադրբեջանի ավտորիտար ռեժիմին Արևմուտքի հարմարվելը ցույց է տալիս, որ Եվրամիության ռեալ քաղաքականությունը ավելին է, քան այն կցանկանային ընդունել:

Յուրաքանչյուր կառավարություն շարժվում է ազգային շահերով: Եվրամիությունը շատ է արժևորում իր էներգետիկ հետաքրքրություններով պայմանավորված հարաբերությունները»:



    Լրահոս
    Քաղաքականություն
    Վարչապետ Նիկոլ Փաշինյանը ՄԱԿ-ի Գլխավոր ասամբլեայում հանդես է եկել ելույթով (տեսանյութ)
    Օրացույց
    Ամենաընթերցված
    Եկեղեցական օրացույց
    /