• USD 482.27
  • GBP 632.79
  • EUR 567.63
  • RUB 7.31
  • GEL 183.9
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Մեր ձայնը, Խմբագրական, Հայաստան
06.07.2018 | 17:02

Կայացավ ՌԱԿ ուսանողական խորհրդի նախաձեռնող խմբի անդրանիկ ժողովը

   Ռամկավար Ազատական կուսակցությունը, հավատարիմ մնալով իր որդեգրած քաղաքականությանը, շարունակում է ուշադրության կենտրոնում պահել երիտասարդ սերնդի ներկայացուցիչներին՝ նրանց ներգրավելով բազում հետաքրքիր, ուսուցողական ծրագրերում, հնարավորություն ընձեռելով ինքնադրսևորվել և կայանալ:

Դրան հասնելու ուղիներից մեկն էլ ուսանողական խորհրդի ստեղծումն է, որը նպատակ ունի մեկտեղելու երևանաբնակ կամ Երևանում գործունեություն ծավալող ռամկավար երիտասարդներին: Ինչպես վերջիններս են տեղեկացնում,  Հայաստանի տարբեր մարզերում վաղուց գործում են ՌԱԿ երիտասարդական ակումբներ, ուստի անհրաժեշտություն է առաջացել Երևանում ևս ունենալ նման կառույց, որի հարկի ներքո արդեն Երևանի ռամկավար երիտասարդները հնարավորություն կունենան ծավալելու ինչպես քաղաքական-կուսակցական, այնպես էլ կրթական-մշակութային գործունեություն:

Հուլիսի 5-ին Երևանի ուսանողական խորհրդի անդրանիկ նիստն էր՝ նախագահությամբ ՌԱԿ Կենտրոնական վարչության ատենապետ Հակոբ Ավետիքյանի և փոխատենապետ Կարեն Կակոյանի: Նիստը տեղի ունեցավ ՌԱԿ Կենտրոնական վարչության գրասենյակում:

  Ելույթով հանդես եկավ Հ. Ավետիքյանը, որ ողջունեց ներկաներին՝ կարևորելով նրանց նախաձեռնությունը և  մայրաքաղաքում գործունեություն ծավալելու անհրաժեշտությունն ու նշանակությունը: «Արդեն մի քանի տարի շարունակ մեր կուսակցության ուշադրության կենտրոնում հայ երիտասարդն է: Մեզ հաջողվել է Հայաստանի ողջ տարածքում երիտասարդական ակումբներ հիմնել, երիտասարդներին ու պատանիներին հնարավորություն ընձեռել հմտանալու շախմատում, ՏՏ ոլորտում, բրուտագործության մեջ և այլ ոլորտներում: Կուսակցության ջանքերով ստեղծվել են շախմատի, համակարգչային դասընթացներ, բացվել են հրաձգարան, նկարչության խմբակներ և այլն, որոնց նպատակը երիտասարդներին ուսուցանելն է, նրանց ներուժը բացահայտելը և զարգացնելը: Երևանի ուսանողական խորհուրդը ևս պետք է նպաստի տեղի երիտասարդության ինքնադրսևորմանը, զարգացմանը, փորձի փոխանակմանն ու նոր և հիմնավոր գիտելիքների կուտակմանը»,- նշեց Ավետիքյանը:

Կ. Կակոյանը ևս բարձր գնահատեց երիտասարդության նախաձեռնողականությունը և նոր նախագծերով ու գաղափարներով հանդես գալու պատրաստակամությունը:

Նիստի ընթացքում կազմավորվեց խորհուրդը համակարգող կոմիտեն, նախանշվեցին խորհրդի առաջնահերթությունները, նախնական ծրագրերն ու անելիքները: Որոշվեց մոտ օրերս կազմակերպել դասընթացներ, որոնք կնպաստեն երիտասարդների գիտելիքների հարստացմանն ու նոր հեռանկարներ կբացեն վերջիններիս համար:

Խորհրդի անդամները կարևորեցին համագործակցությունը ինչպես հայրենական, անպես էլ արտերկրի նման կազմակերպությունների հետ՝ չանտեսելով նաև մեր սփյուռքահայ հայրենակիցների հետ սերտ համագործակցության անհրաժեշտությունը և հրատապությունը:

 



    Լրահոս
    «Հայաստան» համահայկական հիմնադրամի տնօրենի պաշտոնում նշանակվել է Հայկակ Արշամյանը
    Օրացույց
    Ամենաընթերցված
    Եկեղեցական օրացույց
    /