• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Լրահոս, Հայաստան, Արցախ
06.07.2018 | 17:48

Բաքվի սանձազերծած սահմանային լարումները դիվանագիտական ենթատեքստ ունեն

Արցախյան և նախիջևանյան խնդիրը նոր փուլ է մտել այն բանից հետո, երբ մեր նոր իշխանությունները՝ ի դեմս գործադիր իշխանության ղեկավար Նիկոլ Փաշինյանի, հայտարարեցին, որ այլևս չեն բանակցելու ԼՂ ներկայացուցիչների փոխարեն: Այս մասին լրագրողների հետ զրույցում նշեց քաղաքագետ Ալեքսանդր Մանասյանը՝ ընդգծելով, որ անորոշության մեջ է մնում հարցը՝ ի՞նչ ձևաչափով է Հայաստանը մասնակցելու այդ գործընթացին:

«Ինքս, որ տարիներ շարունակ ուսաումնասիրում եմ այս հարցը, անորոշության մեջ եմ հայտնվել, որովհետև այդ հայտարարությւնից պարզ չէ, թե ձևաչափով են մեր իշխանությունները մտնելու բանակցային գործընթացի մեջ: Եթե նոր իշխանություններն ասում են, որ իրենք չեն նստելու բանակցային սեղանի շուրջ Ղարաբաղի փոխարեն, դա նշանակում է, որ իրենք բանակցություններին մասնակցելու են իրենց փոխարեն, այսինքն՝ Հայաստանը դառնում է Ղարաբաղյան հակամարտության կողմ: Մի բան, որը հենց Բաքվի նպատակն է»,- ասաց Մանասյանը:

Նա հիշեցրեց, որ Հայաստանի երրորդ նախագահ Սերժ Սարգսյանը հարցազրույցներից մեկում ասել էր, որ «մենք բանակցությունների սեղանի շուրջ նստում ենք Արցախի փոխարեն», և հավելեց՝ այդ արտահայոտությունն ունի նաև երկրորդ իմասը. նշանակում է, որ Հայաստանը՝ որպես առանձին պետություն, նստած չէ բանակցությունների սեղանին և Ղարաբաղի փոխարեն է խոսում: «Կարծում եմ, որ նոր իշխանությունների առաջարկած մոտեցումը պետք է լավ կշռադատվի,  քանի որ այն կարող է օգտագործվել բոլորովին այլ իմաստներով մեր հակառակորդների կողմից: Այլ բան է, եթե Հայաստանը չներկայանա և ասի, որ Ղարաբաղյան հակամարտության անմիջական կողմը Արցախն է, նրա հետ էլ խոսեք»,- նշեց քաղաքագետը:

Ալեքսանդր Մանասյանը կարծիք հայտնեց, որ Բաքուն վերջին լարումներով փորձում է  ստիպել Հայաստանի իշխանություններին, որ իրենց անունով նստեն բանակցությունների սեղանի շուրջ,  իսկ Ադրբեջանը շարունակի չխոսել Ղարաբաղի հետ. «Սա վերջին իրադարձությունների դիվանագիտական երեսն է: Հետևաբար պետք է լավ մշակվեն այդ բանաձևերը: Պետք է հայտարարվի՝  այսուհետ մենք ներկայանում ե՞նք որպես հակամարտության կողմ, թե՞ չէ, և եթե ներկայանում ենք, ապա ի՞նչ հարցերով»:


    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /