• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Հայաստան
06.07.2018 | 18:10

Միակ ճանապարհը բնակիչների պայքարն է. բնապահպանը՝ Ամուլսարի հանքի խնդրի մասին

Հեղինակ՝ ԱԿԱԹԻ ՎԱՀԱՆՅԱՆ

Այսօր վարչապետ Նիկոլ Փաշինյանն  Ամուսլարի հանքավայրի վերաբերյալ քննարկում էր ունեցել Լիդիան ընկերության ներկայացուցիչների, բնապահպանների և տեղի բնակչության հետ:  Բնապահպան Սիլվա Ադամյանը  վրդովված է հանդիպման ընթացքում վարչապետի պատասխաններից:

«Ես ապշած եմ այսօրվա հանդիպումից, ինչպես կարելի է այս  հարցում այդքան նմանվել նախկին կառավարությանը: Սա շոու էր ընդամենը, վարչապետն արդեն հորանջում էր, որովհետև ինքը գիտի, որ չի պայքարելու դրա դեմ:
Նա եկել էր, որ պառակտեր, ասում է՝ սա այստեղի մարդ է, սա այնտեղի մարդ է, տարբեր շահեր կան և այլն:  Մենք գիտեինք նախկին կառավարության դեմքը, իսկ  հիմա չգիտենք, թե ով է մեր դիմաց կանգնած: Այդ գիտական ուսումնասիրությունները և մնացյալը պարզապես անիմաստ բառախաղ է: Ասում է նույն բառերը, ինչն ասում էր նախորդ կառավարությունը»,- ՀԱՅ ՁԱՅՆ-ի հետ զրույցում ասաց բնապահպանը:

Անդրադառնալով վարչապետի այն հայտարարությունը, որ դեռ պետք է փաստերի և փաստաթղթերի ուսումնասիրություններ կատարվեն, Ադամյանը նշեց, որ դա  երկար գործընթաց է, որի ժամանակն արդեն չկա:

«Պարոն վարչապետը գիտի՞, թե ինչպիսի՞ մեծ գործընթաց է ՇՄԱԳ-ի ուսումնասիրությունը, առավել ևս Լիդիան ընկերության  փաստաթղթերը, որոնք  հարյուրավոր թերթերից են բաղկացած: Դրա ուսումնասիրության համար 2-3 և ավելի ատրիներ է հարկավոր: Մեր մասնագետները այդքան ժամանակ են  ծախսել, որպեսզի որոշակի բաներ քաղեն: Նույնը Բրոնոզյանի հրավիրած մասնագետների դեպքում, ովքեր 1 տարուց ավելի է ուսումնասիրություն  են անում»,- ասաց Սիլվա Ադամյանը:

Բնապահպանն այն տեսակետին է, որ Ամուլսարի հանքի ծրագիրն իրականում քաղաքական ծրագիր է, որն ուղղված է  Հայաստանի դեմ:

 «Բոլորն արդեն շատ լավ հասկանում են, որ սա քաղաքական ծրագիր է, և պետք չէ սա ընկալել որպես միայն բնապահպանական խնդիր: Ուսումնասիրությունները փաստում են, որ ոսկու պաշարներն այնտեղ շատ քիչ են: Սա քաղաքական պրոյեկտ է, հասկացեք: Եվ ես կասկածում եմ նաև, որ այստեղ նաև մեր անբարենպաստ հարևանների մատն է խառը: Սա դրսից եկած քաղաքական ծրագիր է, որը Հայաստան է բերել  այսօրվա նախագահ Արմեն Սարգսյանը, ով կանգնած է դրա ակունքներում, և ես չեմ վախենա նաև ասել, որ դրանից հեռու չի կանգնած նաև այսօրվա վարչապետը»,- ասաց Սիլվա Ադամյանը:

Բնապահպանն անհասկանալի է համարում վարչապետի  վերաբերմունքն Ամուլսարի հանքի վերաբերյալ:

«Պարո՛ն վարչապետ, Դու՞ք չէիք, որ փողոցներում պայքարում էիք տարբեր արժեքների համար, Ջերմուկը Ձեզ համար արժեք չի՞:  Ես մի կողմ եմ դնում բոլոր փորձագիտական կարծիքները, Դուք Ձեր աչքով չտեսա՞ք,  թե ի՞նչ հեռավորության վրա է այդ հանքը: Ի՞նչ եղավ Ձեզ հետ, պարոն վարչապետ, չէ՞ որ  մի ամբողջ ժողովուրդ  Ձեր հետևից էր գնում, ի՞նչ եղավ հանկարծ, որ Ամուլսարի վերաբերյալ այդպիսի դիրքորոշում ընտրեցիք:
Ձեզ հետ էլ  տանում եք մի մարդու՝ Էրիկ Գրիգորյանին, ով ի սկզբանե  զբաղվել է Ամուլսարի ծրագրերով և ամեն կերպ  փորձել է աջակցել այդ ծրագրին»,- ընդգծեց Սիլվա Ադամյանը:


Բնապահպանի խոսքով՝ խնդրի լուծման միայն մեկ ճանապարհ կա՝ բնակիչները պետք է շարունակեն պայքարել:

«Միայն մեկ ճանապարհ կա՝  բնակիչները պետք է  շարունակեն պայքարը, պետք է գնան մինչև վերջ: Եթե նրանք  ատամներով չպահեն այս պայքարը, ապա մեր աշխատանքը ևս  զրոյական է լինելու»,- եզրափակեց Սիլվա Ադամյանը:



    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /