• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 25, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Լրահոս, Հայաստան, Արցախ
06.07.2018 | 18:42

Նախիջևանի հարցը բանակցային օրակարգ բերելու ժամանակն է. քաղաքագետ

 

Հեղինակ՝ Գոհար Ավետիսյան 

Ժամանակն է, որ Հայաստանի իշխանությունները սկսեն մտածել բանակցային գործընթացում Նախիջևանի հարցը բարձրացնելու մասին: Այս կարծիքին է քաղաքագետ Ալեքսանդր Մանասյանը, ով վստահ է՝ հնարավոր բոլոր ամբիոններից պետք է հայտարարվի, որ Նախիջևանը Ադրբեջանի կողմից զավթած տարածք է:

«Որքան էլ նախորդ նախագահները ճիշտ դիրքորոշում ցուցաբերած լինեն արցախյան խնդրով, Նախիևջանի հարցը հենց նրանց մեղքով է դուրս մնացել քաղաքական ու աշխարհաքաղաքական քննարկումների դաշտից: Կարսի պայմանագրով Նախիջևանը ոչ թե տրվել է Խորհրդային Ադրբեջանի սուվերենությանը, այլ տրվել է միայն հովանավորությանը: Հովանավորության հանձնված տարածքում Ադրբեջանն իրականացնրել է նախիջևանի հայության ցեղասպանություն: Այս ամենը  մենք չենք կարողացել դիվանագետների, սփյուռքի ու մեր բարեկամների միջոցով հնչեցնել եվրոպական ամբիոններից»,- ասաց նա:

Մյուս կողմից՝ խնդիրը բանակցային սեղանին դնելը բարդ է, քանի որ Կարսի պայմանագրում կա նաև Ռուսաստանի ստորագրությունը: «Հիմա բարձրացնել Նախիջևանի խնդիրը, նշանակում է հակադրվել Ռուսաստանին: Կարծում եմ՝ մեր երեք նախագահների լռությունը դրանով պետք է բացատրվի: Ռուսասատանը չի ցանկանում բարձրացնել նախիջևանյան խնդիրը, որովհետև այն՝ Արևմուտքի հետ մեկտեղ ճանաչել է Ադրբեջանը Խորհրդային Ադրբեջանի սահմաններով, այսինքն` Նախիջևանը ներառյալ, դրանով իսկ սանձազերծելով Ղարաբաղյան պատերազմը: Բայց կարելի է գտնել այնպիսի ձև, որ Ռուսաստանին չես հակադրվում, այլ Եվրոպային ես մեջտեղ բերում»,- նշեց քաղաքագետը:

Ալեքսանդր Մանասյանի դիտարկմամբ՝ եթե այսօր Բաքուն զորք է կուտակում Նախիջևանում, դրա համար պատասխանատվություն է կրում նաև Ռուսաստանը, քանի որ ստորագրել է Կարսի պայմանագրի տակ: «Այստեղ է, որ Բաքուն մեզ օգնում է  Նախիջևանի թեմայով»,- նկատեց քաղաքագետը՝ նշելով, որ լավ առիթ է ստեղծվել, որպեսզի Հայաստանը սկսի խոսել նախիջևանյան խնդրի մասին:

 


    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /