• USD 480.37
  • GBP 636.68
  • EUR 563.47
  • RUB 7.69
  • GEL 195.81
Հուլիս 17, 2018
Սա իմ երկիրն է

Սա իմ երկիրն էչափերով այնպիսին,

որ ազատորեն տեղավորել եմ սրտիս մեջ,

որ չկորցնեմ հանկարծ

Հովհաննես Գրիգորյան, 1945-2013 (թարգմանիչ, խմբագիր և բանաստեղծ)

Հայաշխարհի ձայն, Լրահոս, Հայաստան
06.07.2018 | 17:21

ՏՄՊՊՀ-ը ոլորտում ապօրինիություններ է բացահայտել

Տնտեսական մրցակցության պաշտպանության պետական հանձնաժողովի այսօրվա նիստում հանձնաժողովի նախագահ Արտակ Շաբոյանն ասաց, որ հանձնաժողովը պետական մարմիններում առանց մրցույթ հայտարարարելու գործունեություն ծավալելու, լիցենզիաներ տրամադրելու դեպքեր է բացահայտել: Այլ ապօրինիություններ էլ են բացահայտվել:

 

Օրինակ. տնտեսվարողներից շատերն են ցանկանում զբաղվել բացօթյա առեւտրով կամ խեցգետնի, ձկան արդյունահանմամբ, բայց երբ լիցենզիաները, թույլտվությունները արդարացի ձեւով չեն բաշխվում տնտեսվարողների միջեւ, դա կարող է մրցակցային անհավասար պայմաններ ստեղծել: «Բոլոր պետական մարմինները, որոնք նման լիցենզիաներ, թույլտվություններ են տալիս տնտեսվարողին, դա ինքնուրույն են կատարում, իրենք են որոշում՝ որին մերժել, որին տալ լիցենզիա: Տրամադրման գործընթացում չկան չափանիշներ: Հանձնաժողովն առաջարկում է համապատասխան օրենսդրական փոփոխություններ իրականացնել, որպեսզի դրա արդյունքում մրցակցային եղանակով տրամադրվեն լիցենզիաներ, կազմակերպվեն մրցույթներ, թափանցիկ ու հրապարակային մրցույթներ եւ հաղթեն նրանք, ովքեր ավելի լավ պայմաններ կառաջարկեն»,- ասել է Շաբոյանը:

 

Կամ պետական մարմիններն իրականացնում են բիզնես գործառույթ՝ ունենալով մրցակցային առավելություններ: «Բիզնես գործառույթների տարանջատումը պետական մարմինների գործունեությունից կնպաստի ոչ միայն մրցակցային հավասար պայմանների ապահովմանը, այլ նաեւ հնարավորություններ կստեղծի, որ զարգանան ՓՄՁ-ները»,- ասել է Շաբոյանը:

 

Կամ տնտեսվարողները տեղյակ չեն լինում, որ պետական մարմինները որոշակի գործունեություն ծավալելու մրցույթներ են հայտարարում: «Պետք է լինի մեկ միասնական էլեկտրոնային հարթակ, որտեղ լինի ողջ տեղեկատվությունը՝ պետական գույքի վարձակալության, օտարման վերաբերյալ: Բոլորը պետք է տեղյակ լինեն մրցույթների մասին»,- ասել է Շաբոյանը:

 

ՏՄՊՊՀ նախագահը անուններ է տվել. «Օրինակ գյուղատնտեսության նախարարության «Հայանտառ» ՊՈԱԿ-ը մատուցում է ծառայություններ հանգստի, զբոսաշրջության հետ կապված, իսկ արդարադատության նախարարության «ՀՀ ԱՆ թարգամանությունների կենտրոն» ՊՈԱԿ-ը, իրականացնում է վճարովի թարգմանչական գործունեություն: Բնապահպանության նախարարության «Խոսրովի անտառ» պետական արգելոցը իրականացնում է գիշերակացի տրամադրում: Այս կառույցները պետական բյուջեից են ֆինանսավորվում, չեն վճարում ձեռնարկատիրական գործունեության համար սահմանված հարկ, ստանում են մրցակցային առավելություններ նույն աշխատանքով զբաղվող մասնավոր այլ ընկերությունների նկատմամբ»:

 

Արտակ Շաբոյանը այս պաշտոնին է արդեն 10 տարի եւ հասկանալի չէ, թե ինչու մինչ օրս չեն բացահայտում այս խախտումները:


    Լրահոս
    Օրացույց
    Ամենաընթերցված
    Եկեղեցական օրացույց
    /