• USD 483.62
  • GBP 637.31
  • EUR 565.59
  • RUB 7.22
  • GEL 185.12
Սեպտեմբեր 19, 2018
Հայրենիքներ մեզ նրանք են շնորհում՝ այդ իրավ մեծերը

Գալիս է մի Թումանյան, և ազգը ժամանակների հեռվում ճանաչում է իր Նարեկացուն: Գալիս է մի Սարյան, և ազգը Ռոսլին ու նկարչություն է հիշումՄի Վիկտոր Համբարձումյան է գալիս, և մեր հայացքները երկինքին են դառնում…  Հայրենիքներ մեզ նրանք են շնորհում՝ այդ իրավ մեծերը:

ՀՐԱՆՏ ՄԱԹԵՎՈՍՅԱՆ

Հայաշխարհի ձայն, Լրահոս
06.07.2018 | 23:10

Էջմիածնի քաղաքապետի պաշտոնակատարը կոչով դիմել է ցուցարարներին

Էջմիածնի քաղաքապետի պաշտոնակատար Դիանա Գասպարյանը հանդես է եկել հայտարարությամբ՝ կապված Մայր Աթոռում այսօր ծավալված իրադարձությունների հետ:

«Հարգելի՛ համաքաղաքացիներ,

Տեղեկանալով Մայր Աթոռ Սուրբ Էջմիածնի Դիվանատան շենքում «Նոր Հայաստան, նոր Հայրապետ» նախաձեռնության անդամների մասնակցությամբ այսօր տեղի ունեցած միջադեպին՝ որպես համայն հայության հոգևոր կենտրոնի քաղաքային իշխանությունը ներկայացնող պաշտոնատար անձ այցելեցի Մայր Աթոռ՝ ծանոթանալու տեղի ունեցածի պատճառներին և գտնելու դրանց հնարավոր լուծման ուղիներ: Տեղում իրավիճակը քննարկվեց մարզի ոստիկանապետ Արսեն Այվազյանի հետ, փորձ արվեց գտնել իրադրությունը կայունացնելու ուղիներ՝ կարևորելով հասարակական կարգի պահպանմանն ուղղված գործուն քայլերի մշակումը և իրավիճակի հետագա սրման անթույլատրելիությունը:

Հարգելի՛ հայրենակիցներ, մեր երկրում պետք է պաշտպանվեն սահմանադրությամբ ամրագրված բոլորի իրավունքները, սակայն ցանկացած իրավական երկրում յուրաքանչյուր իրավունքի իրացում հավասարակշռվում է հանրային շահի գիտակցմամբ և այլոց իրավունքների հարգմամբ: Ուստի, առճակատումներից և հնարավոր այլ տհաճ միջադեպերից խուսափելու համար կոչ եմ անում ցուցարարներին ցուցաբերել զսպվածություն և հանդուրժողականություն, հարգել այլոց շահերը և իրենց սահմանադրական իրավունքներն իրացնել օրենքի և իրավունքի տիրույթում»:

 


    Լրահոս
    Օրացույց
    Ամենաընթերցված
    Եկեղեցական օրացույց
    /