• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 25, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս
07.07.2018 | 14:15

ԱՄՆ դեսպանը՝ նոր Հայաստանի հանդեպ ԱՄՆ հետաքրքրության մասին

Մենք ականատեսը դարձանք Հայաստանի պատմության նոր փուլի: Հայաստանի քաղաքացիները դուրս էին եկել փողոց, պահանջելով ավելի թափանցիկ, ավելի արդար հասարակություն՝ և այդ ամենը խաղաղ ճանապարհով: Ճիշտն ասած, դա շատ տպավորիչ էր: Այս մասին «Ամերիկայի ձայնին» տված հարցազրույցում նշել է Հայաստանում ԱՄՆ դեսպան Ռիչարդ Միլսը՝ անդրադառնալով Հայաստանում տեղի ունեցած թավշյա հեղափոխությանը:

«Դա Հայաստանի քաղաքացիների կողմից էր արված: Միաժամանակ, դա արդյունքն է այն բանի, որ երկու տասնամյակ Միացյալ Նահանգները և Հայաստանը միասին աշխատելով զարգացրեցին, հզորացրին այն ձայները, որոնք առաջ տարան թափանցիկության և պատասխանատվությ ան այս արժեքները»,- ասել է դեսպանը:

Հարցին, թե արդյոք ավելի մեծ կլինի ԱՄՆ-ի հետաքրքրությունը  նոր Հայաստանի հանդեպ,  Ռիչարդ Միլսը պատասխանել է. «Կարող եմ հավաստիացնել, որ Հայաստանի հետ հարաբերությունները միշտ մեծ հետաքրքրություն են ներկայացրել Միացյալ Նահանգների, ԱՄՆ-ի ղեկավարության համար: Մենք ակնկալում ենք համագործակցել նոր կառավարության հետ: Դրա առաջնահերթությունները, կարծում եմ, կարևոր են. տնտեսությունն ավելի արդար դարձնել բոլորի համար, բարելավել մարդու իրավունքների պաշտպանության վիճակը, վերջ դնել կոռուպցիայի խնդրին: Սրանք առաջնահերթություններ են, որոնք մենք նույնպես կցանկանայինք իրագործված տեսնել, և դեսպանությունն ու ԱՄՆ-ի կառավարությունն ակնկալում են աշխատել նոր կառավարության հետ՝ որպեսզի օգնենք նոր կառավարությանն իրագործել նպատակները: Դա բավականին բարդ է լինելու»:

Նրա խոսքով, փողոց դուրս գալը, խաղաղ բողոքելը՝ դրանք հսկայական մարտահրավերներ էին Հայաստանի քաղաքացիների համար, որոնք նրանք ընդունեցին և հաջողությամբ հաղթահարեցին. «Խնդրի բարդ կողմն է այդ արժեքներն իրական գործողությունների վերածելն է: Այստեղ մենք ցանկանում ենք այնքան մեծ աջակցություն ցուցաբերել, որքան կարող ենք, այնպես որ, սերտ աշխատելու ենք կառավարության հետ: Կարծում եմ՝ հիմնական ոլորտը, որտեղ մենք կարող ենք աջակցություն ցուցաբերել, և որում մեծապես հետաքրքրված են թե Հայաստանի իշխանությունները և թե ԱՄՆ-ում բնակվող Սփյուռքը, մեր երկու երկրների միջև առևտրի և ներդրումների խրախուսումն է»:

ԱՄՆ դեսպանը տեղեկացրել է, որ վերջին 3 տարիներին Հայաստանի տնտեսության մեջ գրանցվել են 600 միլիոն դոլարի ամերիկյան նոր ներդրումներ. «Նախորդ տարի մեր երկրների միջև առևտուրը վերջապես բարձրացավ 2008-ի մակարդակից՝ մենք գրանցեցինք 42 տոկոս աճ: Այս տարվա առաջին 4 ամիսներին 30 տոկոս աճ է գրանցվել: Կարծում եմ, եթե կառավարությանը հաջողվի առաջընթաց գրանցել կոռուպցիայի հաղթահարման և դատական իշխանության անկախության ապահովման հարցերում, ապա առևտրի ծավալներն էլ ավելի կաճեն, որովհետև վերջին 3 տարիներին որպես դեսպան ես բազմիցս եմ լսել, թե ամերիկյան գործարարներից և թե հենց Հայաստանի ձեռնարկատերերից, որ առևտրի, գործարարության հիմնական խոչընդոտն այն է, որ Հայաստանում չկան հավասար խաղի կանոններ, և որ համակարգը ոմանց նկատմամբ մյուսներից ավելի բարենպաստ էր:

Այնպես որ, եթե կառավարությունը կարողանա դա հաղթահարել, կարծում եմ, իրական հնարավորություն կա, իրական ապագա՝ ԱՄՆ-ի կողմից խոշոր առևտրի և ներդրումների, որն իմ կարծիքով մեծագույն աջակցությունն է, որ մենք կարող ենք տրամադրել Հայաստանին»,- ընդգծել է ԱՄՆ դեսպանը:


    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /