• USD 481.66
  • GBP 633.53
  • EUR 566.62
  • RUB 7.32
  • GEL 183.95
Սեպտեմբեր 25, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս
07.07.2018 | 23:30

ՀՀ ԱՆ նախարարը շրջայց է կատարել Գեղարքունիքի մարզում

ՀՀ առողջապահության նախարար Արսեն Թորոսյանը հուլիսի 7-ին աշխատանքային այց է կատարել  Գեղարքունիքի մարզ: Նախարարին ուղեկցում էր Գեղարքունիքի մարզպետ Իշխան Սաղաթելյանը:

Կանգառներից մեկը  Սևանի  բժշկական կենտրոնի նորակառույց մասնաշենքն էր, որտեղ   նախարարը և մարզպետը ծանոթացան պետական միջոցներով  իրականացվող շինարարական աշխատանքների ընթացքին:

Այստեղ նախարար Արսեն Թորոսյանը և մարզպետ Իշխան Սաղաթելյանը համատեղ քննարկեցին բուժհաստատության տեխնիկական ու մասնագիտական վերազինումների հետ կապված խնդիրներ:

«Մասնագետ կադրերի գործուղումը մարզեր ջանքեր են պահանջելու նաև մարզային իշխանություններից ու տեղական ինքնակառավարման մարմիններից: Մենք համատեղ ուժերով պետք է հասնենք նրան, որ մարզեր գործուղված մասնագետներն ապահովվեն բավարար պայմաններով և իրենց չզգան աքսորյալների կարգավիճակում»,- նկատեց Արսեն Թորոսյանը:

Գեղարքունիքի մարզի շտապօգնության ծառայություններն առաջիկա երկու ամիսների ընթացքում ձեռք կբերեն շտապօգնության և ռեանիմացիոն նոր ավտոմեքենաներ:

Նախարարի խոսքով,  2-ական շտապօգնության ավտոմեքենաներ կտրամադրվի Սևանի և Գավառի բժշկական կենտրոնների, Վարդենիսի հիվանդանոցի, 3-ը՝ Մարտունու բժշկական կենտրոնի և 1-ը՝ ճամբարակի առողջության կենտրոնի կազմում գործող շտապօգնության ծառայություններին: Նրանք կստանան նաև  մեկական ռեանիմացիոն  ավտոմեքենաներ:

Նախարար Արսեն Թորոսյանը  և մարզպետ Իշխան Սաղաթելյանը այցելել են նաև Մարտունու բժշկական կենտրոն և դիտարկել այն շինհրապարակը, որտեղ առաջիկայում կառուցվելու է բժշկական կենտրոնի շենքը:

«Գեղարքունիքի մարզի Մարտունի քաղաքում մինչև 2018 թվականի ավարտը կամ 2019 թվականի սկիզբը կմեկնարկի բժշկական կենտրոնի շինարարությունը:


    Լրահոս
    Հայկական ցուցահանդես Նյու Յորքում
    «Հայաստան» (Armenia!) ցուցահանդես Նյու Յորքում. բացառիկ հնարավորություն ներկայացնելու հայ ժողովրդի հոգևոր, մշակութային դերը համաշխարհային քաղաքակրթության մեջ
    Օրացույց
    Ամենաընթերցված
    Եկեղեցական օրացույց
    /