• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Ամերիկա, Եվրոպա, Միջին Արևելք, Հայաստան, Արցախ
09.07.2018 | 15:42

Եկեղեցին քաղաքական տեմպի տակ դնելն ու աշխարհի հայերին հիասթափեցնելն անթույլատրելի է. կրոնագետ

Հեղինակ՝ Գոհար Ավետիսյան 

Եկեղեցական ընթացքը երբևէ չի կարելի մտցնել քաղաքական ռիթմի մեջ, քանի որ եկեղեցին հենց նրանով է կենսունակ, որ քաղաքական ռիթմիկայից դուրս է: Այս կարծիքին է կրոնագետ Վարդան Խաչատրյանը, ով վստահ է՝ պետք է գտնել սողոմոնյան որոշում և վերջ տալ եկեղեցու շուրջ ընթացող զարգացումներին:

«Մենք լավ պետք է պատկերացնենք, որ Հայաստանը՝ որպես պետություն ավելի սեղմ սահմաններ ունի, քան Հայ Առաքելական եկեղեցին՝ աշխարհով մեկ սփռմամբ: Հայ ազգի ապագայի միակ գրավականը միասնականությունն է, և այս տեսակետից առաջացնել խորը հիասթափություն աշխարհի հայերի մեջ, ուղղակի անթույլատրելի է: Մենք այդ իրավունքը չունենք, հետևաբար պետք է լուծել խնդիրը այն տարբերակով, որը ընդունելի լինի կողմերի համար: Անհարեշտ է կանգ առնել նրա վրա, ինչը սողոմոնյան որոշում կլինի՝ լավ հաշվի առնելով, որ սա քաղաքական զարգացում չի, և քաղաքական տեմպի տակ եկեղեցին դնելը անթույլատրելի է»,- նկատեց կրոնագետը:

Ըստ նրա՝ որևէ մեկը չի հրաժարվում այն կարծիքից, որ Հայաստանում հոգևոր վերածննդի կարիք կա, սակայն որևէ դեպքում չպետք է թույլ տալ, որ Մայր Աթոռում այս օրերին ընթացող իրադարձությունները վերածվեն խայտառակության: «Օպիմալ լուծումը պետք է լինի այն, որը ձեռնտու լինի հայ ազգին՝ իր ապագան կերտելու տեսակետից, մնացած բոլոր տարբերակները  կարծում եմ  անհրաժեշտ է մի կողմ թողնել: Հայ Առաքելական եկեղեցին միշտ դուրս է եղել քաղաքական գործընթացներից և դրանով է այն կարողացել ծառայել հայ ժողովրդին և պահպանել նրա ինքնությունը մինչև մեր օրերը: Խոսքը վերաբերում է նույնիսկ այն ժամանակներին, երբ մենք պետականություն չենք ունեցել: Եթե եկեղեցին լիներ քաղաքական համակարգի մաս, պետք է վերանար պետականության հետ միասին»,- ասաց Խաչատրյանը:

ՀԱՅ ՁԱՅՆ լրատվականի այն հարցին,  թե ինչպե՞ս է կրոնագետը վերաբերում այն երևույթին, երբ աշխարհիկ մարդիկ անարգել ներխուժում են Վեհարան, և իրավապահ մարմինները որևէ կերպ չեն խոչընդոտում նրանց, այնինչ նույնը անթույլատրելի կլիներ ասենք Հռոմի պապի նստավայրում, Խաչատրյանը նշեց. «Չմոռանանք, որ Հռոմի պապը նաև աշխարհիկ առաջնորդ է, և նրան հսկում է շվեյցարական գվարդիան, որը դուրս կշպրտի յուրաքանչյուրին, ով կփորձի ներխուժել նստավայր: Հայ եկեղեցում այդ հսկողությունը չկա: Կարծում եմ՝ այստեղ հարցը պետք է դնել այնպես, որ որևէ մեկն իրավունք չունի հենց այնպես գալ ու ընդհատել կրոնական հաստատության սովորական ընթացքը, թեև այս պարագայում դժվար է ասել, արդյոք ընդհատվել է կառույցի աշխատանքը»:

Ինչ վերաբերում է այն հարցին, որ պետությունը մինչ օրս դիրքորոշում չի հայտնել Մայր Աթոռում կատարվածի վերաբերյալ, կրոնագետը նշեց, որ այս փուլում ընդունելի է այն մոտեցումը, որ աշխարհիկ իշխանությունները չխառնվեն եկեղեցու գործերին:



    Լրահոս
    Քաղաքականություն
    Փաշինյանը բանակցություններ կհրավիրի քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները
    Օրացույց
    Ամենաընթերցված
    Եկեղեցական օրացույց
    /